雲南啊老表黑山羊湯鍋米綫

營業中

休息中

今日途經官塘，openrice 左一下，發現阿老表黑羊湯鍋米線竟然有分店，決定去回味一下，店鋪開於商廈的一樓，門面並不顯眼，仔細看並不難找。中午食米線本身已比較健康，加上羊肉湯，更有一種滋補感覺。一入門口已經聞到香噴噴既羊肉味，上次試過羊肉及豬手，今次決定叫牛羊併，另外朋友叫招牌黑羊湯鍋米綫。加小食 拍青瓜及水餃。當然仲有午餐必備 凍檸茶。店家很細心地在枱面擺放著自家製~超好味而勁辣的菜脯、辣椒醬和其它調味料，任由食客添加。米線我地只係叫了細份，因為之前試過細碗，份量都超級大份， 但朋友未試過，所以當米線一上枱，他都感到十分驚訝，分量竟然如此大。 羊肉一如以往薄切嫩滑，帶有一絲絲肥肉，令羊肉更爲甘香。牛腩以厚切形式呈現，香淋且濃濃牛味，相當匹配。拍青瓜新鮮爽脆，配上店家特製醬汁調味，甜酸恰當，相當適合夏天進食。水餃我地叫了雙併，豬肉餃及韭菜豬肉餃都各具特色，兩種水餃一咬開肉汁豐盈，做得非常出色。最后以檸檬茶作為總結，十分完滿。