最吸睛係個自助沙律吧——翡翠螺、藍青口、煙三文魚任夾，仲有芝士冷盤陣，簡直係沙律控天堂！不過老實講，凍海鮮質素中規中矩，蝦同螺都算新鮮，但唔好期望有龍蝦鮑魚級數，當開胃前菜剛好合格👌
點咗紅花蟹肉意大利飯同鮮蝦布袋芝士雲吞，蟹肉飯真係驚喜，飯粒軟滑入晒蟹膏嘅鮮甜，仲有七彩花瓣點綴，靚到唔捨得食！雲吞就邪惡爆燈，鮮蝦同布袋芝士一咬爆汁，龍蝦汁濃郁到舔碟都唔為過，三文魚子加分！
不過要彈一彈，食到8點半自助吧已經執野，仲要未食完就不斷問「要唔要收碟」，趕頭趕命到似趕收工⏰。自助吧無乜refill，食到後尾有啲空虛。整體黎講，主菜高質，自助吧中規中矩，適合想輕鬆聚餐又唔想洗好多錢嘅你！
服務同環境真心唔錯，侍應雖然快手收碟，但態度親切！如果鍾意法國菜同凍海鮮，呢度係觀塘一個隱世選擇。
1
40
