板神鉄板燒日本料理 (駿業街)

營業中

休息中

係一個工業區可以有尖沙咀銅鑼灣中環等質素鐵板燒的確喜出望外，入到餐廳不論裝修環境都是一級有三間房地方十分乾淨，開派對或同人傾計都唔錯，仲有出面壽司吧如果想食個快壽司都好ok,，當然外表可以堆砌但食物質素就一定要食落口就知龍與鳳，今次食佢哋鐵板同魚生，價錢都係出面旺區價，但食完後可以講係飽同超值，每道菜式都有人介紹，而且每樣菜色都係當日日本直送，所以食落口己知係咪新鮮野，當晚叫左2280套餐同少少魚生，可以即場睇到鐵板師傅你係面前煮塊超厚和牛，視覺味覺都一流，同時師傅會即時問你幾成熟，有冇特別部位想食，佢地都一一幫你，所以服務態度非常好，仲可以同師傅交流下食物，唔似出面煮完野又無野傾，你有你食，佢有佢煮。魚生同頭盤都正，特別推介海膽，真係同係日本當地食一樣新鮮，今晚加埋個炒飯就肚仔飽，係觀塘區有間日式鐵板燒真驚喜。