Delish (已結業)

Item: Delish
Rating: 4
Author: hk.eateateat

76 食評

味道

環境

服務

衛生

抵食

5488

荃灣

$101-200

多國菜咖啡店日式西餐

hk.eateateat

等級4

699

今次食既呢間Delish係荃灣愉景新城，地方都幾大，走日式木系風格。聽聞呢間係觀塘既Relish既姊妹店，睇過下menu，同Relish既真係差唔多。本身都想食Relish好耐，但無奈對我黎講真係太遠，所以一路都未試🙈宜家開左係荃灣，方便好多😀今次去食lunch，有lunch set但係價錢略高，仲要加一。食物係唔錯既，不過未令我覺得好食到值呢個價，都係去一次夠了😛 1️⃣紐西蘭特級鮮肉眼扒伴炒野菜山葵薯蓉（$178）牛扒揀左五成熟，有兩大塊，食落肉質算唔錯既，而且煎得好靚😍見到面頭果塊中間啲肉仲有紅紅地既色。不過佢兩塊牛扒煎既生熟程度竟然係唔同既...上面果塊煎到我想要既熟度，但係下面果塊，我諗都over七成熟，切開啲肉中間已經差唔多變曬啡色，得勁輕微既粉紅色。而且下面果塊肉都明顯比起面頭果塊韌啲同鞋啲🤨質素有啲參差。底下既薯蓉比起牛扒更加令我有驚喜🤩薯蓉帶有wasabi既味道，幾特別，但係食落一啲都唔會有衝突感，好夾好好味👍另外仲有炒雜菜，有菇、秋葵、粟米筍等等，有少少黑椒調過味。 Lunch set可以揀要餐湯或者沙律，湯係蘑菇忌廉湯，極濃，配埋脆多士食幾好。餐飲就嗌左杯凍既A

牛扒揀左五成熟，有兩大塊，食落肉質算唔錯既，而且煎得好靚😍見到面頭果塊中間啲肉仲有紅紅地既色。不過佢兩塊牛扒煎既生熟程度竟然係唔同既...上面果塊煎到我想要既熟度，但係下面果塊，我諗都over七成熟，切開啲肉中間已經差唔多變曬啡色，得勁輕微既粉紅色。而且下面果塊肉都明顯比起面頭果塊韌啲同鞋啲🤨質素有啲參差。底下既薯蓉比起牛扒更加令我有驚喜🤩薯蓉帶有wasabi既味道，幾特別，但係食落一啲都唔會有衝突感，好夾好好味👍另外仲有炒雜菜，有菇、秋葵、粟米筍等等，有少少黑椒調過味。 Lunch set可以揀要餐湯或者沙律，湯係蘑菇忌廉湯，極濃，配埋脆多士食幾好。餐飲就嗌左杯凍既Americano。呢度既咖啡個人覺得係偏酸，個人黎講覺得麻麻地。

2⃣️西京白味噌燒比目魚柳配炒野菜、洋蔥炒薯（$168）

比目魚好嫩滑🐟調味唔算重，偏清淡少少既風味。伴碟既炒野菜同埋洋蔥炒薯都唔錯，不過呢個價錢真係貴左啲。另外跟餐揀左沙律，沙律比我想像多，清爽既🥗餐飲就揀左玄米茶，成個組合都係清淡啲。

3⃣️飛驒和牛漢堡伴炸甜蕃薯條、松露醬（$138）

牛肉揀左七成熟，本身見到係和牛漢堡，對塊肉期待較高，但係食落冇乜肉汁，而且肉味都唔算濃，有少少失望😕包係鬆軟既，不過就係好普通既包，冇牛油香亦都好似冇烘過咁，入面有蕃茄同芝士。成個包食落滿足感唔算好大，比較普通。個炸蕃薯條就好好食！炸得脆、唔油，番薯條本身有少少甜味，就咁食已經好好食。仲有得點埋佢既松露醬，完全係令人食唔停手😋

4⃣️Keto巴斯克生酮芝士蛋糕（$62）

本身黎呢間cafe最最最想食既就係佢地既芝士蛋糕😚有原味同埋焙茶味揀，我就揀左焙茶味。呢個巴斯克芝士蛋糕係生酮做法，冇添加糖同埋係無麩質，如果實行緊生酮飲食既人都可以試下。個蛋糕質感夠滑夠creamy，中間流心既部分更加係睇都都已經流曬口水🤤質感一流，不過個人就覺得焙茶味道可以再濃啲，宜家係食到焙茶味既，但係對茶控黎講，焙茶既甘香唔夠。好食係幾好食既，但係都係，62蚊貴左啲。