泰之味

營業中

休息中

放假去探屋企人，發現附近呢間新開嘅泰國餐廳，見佢都幾多街坊幫襯，我哋都去試吓。泰式魷魚粒炸蝦餅 $88真材實料，咬開見到裏面真係有蝦肉仲有粒粒魷魚，口感有蝦餅嘅爽彈，仲夾雜住一啲顆粒，沾上甜辣醬好好食。蒜蓉包 $32勁香脆，蒜蓉夠多，有牛油香，好惹味香口。泰式鮮蝦炒金邊粉 $108材料足，有5隻大蝦球，爽口彈牙，配料仲有爽口芽菜、韮菜、豆腐乾，一貫炒金邊粉嘅好味。炭燒豬頸肉撈檬 $72燒豬頸肉好香，外面焦焦，裏面豬頸肉爽口肥美，呢度仲配上一啲蔥油添。而家天氣開始熱，食呢個撈檬好清爽，裏面有青瓜絲、生菜絲、芽菜，伴上撈檬汁，好清爽。