泰之味

營業中

休息中

上個月嚟麗晶商場食晏，留意到轉角位有間泰國餐廳，趁今日幫朋友攞啲嘢入嚟九龍灣，就順道來這裡吃頓晚飯。餐廳主打正宗泰菜，內在環境寬敞，佈置優雅，坐得十分舒服。點咗個泰味2人餐，套餐包小食、炒飯、通菜同甜品，另外仲加咗客蒜蓉包同飲品。蒜蓉包色澤非常漂亮，唔會烘到乾晒😊，入口外脆內軟，蒜香味爆燈。炭燒豬頸肉，豬頸肉燒得火候剛好，肉嫩爽脆，可口之餘又有油脂甘香，唔使點醬汁食都啖啖滋味。香芒蟹肉炒飯，炒飯好夠鑊氣，熱辣辣香噴噴，芒果同蟹肉嘅份量都幾多，芒果清甜，蟹肉鮮香，加上飛魚子作點綴，色香味俱全。 馬拉盞炒通菜，通菜炒得好油潤，色澤翠綠，入口爽脆鮮嫩，搭配醬香十足嘅馬拉盞，咸香惹味。千層糕層次分明，入口煙韌軟糯，甜度適中。椰汁紅豆冰，真材實料，紅豆粒粒鬆軟，椰汁香甜，超美味。

放假去探屋企人，發現附近呢間新開嘅泰國餐廳，見佢都幾多街坊幫襯，我哋都去試吓。泰式魷魚粒炸蝦餅 $88真材實料，咬開見到裏面真係有蝦肉仲有粒粒魷魚，口感有蝦餅嘅爽彈，仲夾雜住一啲顆粒，沾上甜辣醬好好食。蒜蓉包 $32勁香脆，蒜蓉夠多，有牛油香，好惹味香口。泰式鮮蝦炒金邊粉 $108材料足，有5隻大蝦球，爽口彈牙，配料仲有爽口芽菜、韮菜、豆腐乾，一貫炒金邊粉嘅好味。炭燒豬頸肉撈檬 $72燒豬頸肉好香，外面焦焦，裏面豬頸肉爽口肥美，呢度仲配上一啲蔥油添。而家天氣開始熱，食呢個撈檬好清爽，裏面有青瓜絲、生菜絲、芽菜，伴上撈檬汁，好清爽。

今天來到麗晶商場，見朋友的同時，發現了這家充滿泰國風情的泰式餐廳。門口的泰國神像和裝飾讓人仿佛置身於泰國，店員的熱情周到更是讓人感到宾至如歸！### 傅統喇沙海鮮湯粉湯底是香濃的椰奶與咖哩混合而成，呈現出一種獨特的奶油狀口感，伴隨著微微的辛辣，濃郁香氣令人心動。而且加入了新鮮的海鮮:鮮蝦、大蚌和魷魚，都很鮮嫩。河粉吸附著濃厚的湯汁，每一口都充滿味道！### 金不換香牛肉炒河粉大火快炒將河粉炒至微焦而且裹上了濃郁的醬汁，搭配青蔥，豆芽，紅椒和洋蔥，增添了色彩與口感的層次。十分出色的味道是既有鹹香又不失肉類的鮮美！### 泰式串燒（豬牛雞各兩款）無論是豬肉、牛肉還是雞肉，外焦內嫩，肉質鮮美，每一款都有其獨特的風味。搭配上酸辣的泰式醬汁，更能提升其風味！### 香茅豬扒豬扒外層焦香酥脆，而內部依然保持著多汁的口感，而且有香茅的獨特香氣！### 香茅雞翼雞翼經過香茅和其它調味的醃製，肉質吸收了香料的滋味，散發出令人垂涎的香氣！甜品千層糕咬下去軟糯有嚼勁，微甜而不膩！

住喺附近嘅朋友介紹麗晶有間泰國菜平靚正，就嚟試吓佢。燒泰式豬頸肉燒得啱啱好，外脆內軟，配上靈魂醬汁，必食推介！馬拉盞炒雜菜真係咩菜都有啲，用馬拉盞炒得好惹味！泰式蝦醬肉碎炒飯同平時食開嘅蝦醬肉碎炒飯唔同，有肉鬆又有雞蛋絲，口感豐富又大份，炒得有鑊氣好好食。魷魚粒蝦餅即炸熱辣辣，食落又彈牙，香脆可口👍🏽椰子冰&龍眼冰椰子冰打到好軟綿，淡淡椰子香又唔會太甜。食完店員仲送咗一份千層糕，超級煙靭彈牙🤭

抵到爆系列 • 泰之味🔶泰味2人餐（$238）包3個餸同甜品~🔶炭燒豬頸肉份量好大，唔會好乾身仲有淡淡既炭香味，食落爽口彈牙，豬頸肉以香料和調味料腌制後烤熟，肉質鮮嫩多汁。🔶香芒蟹肉炒飯主要用上蛋、芒果同埋蟹肉去炒，上面仲加咗大量蟹籽，更能夠食到蟹肉嘅鮮味呢個炒飯炒到粒粒分明炒得乾身，芒果肉好香甜，中和咗炒飯嘅油膩感。🔶蒜蓉炒通菜通菜都幾嫩口，每條都細細條，唔會有渣，用咗大量蒜蓉一齊炒，食落好香蒜香味，非常惹味。🔶海南雞雞肉肉質好嫩滑而且有彈性，雞皮好爽口，食落都好有雞味，可以點自家製嘅泰式酸辣汁同埋港式蔥油。呢加餐廳做緊優惠，滿$300可以加$1有海南雞半份，滿$600加$1仲可以有全隻海南雞！真係勁抵！🔶蒜蓉包（$32）蒜蓉包有四件，而且每一件都好大件，蒜蓉包焗到成片都香脆，好香濃牛油同蒜蓉味。🔶珍多冰（$28）充滿椰香，下面有好多涼粉同埋椰子糕。🎖️整體評分🎖️❤️味道：7.5/10🧡環境：7/10💛服務：8.5/10💙性價比：9/10📍 泰之味 (九龍灣)九龍灣宏光道80號麗晶商場地下G8號舖

無骨海南雞配油飯，無骨連皮雞肉，海南雞有脾有胸，食落口係鮮嫩 有雞味 去骨非常完整完全無細骨，油飯大大碗好乾爽，淡淡香茅班蘭味。生牛肉湯河湯底清新不膩，帶有牛骨的味道，生牛肉片在熱湯中輕輕變色，肉質嫩滑，河粉滑順，吸附了湯汁。越式春卷配料好多，有木耳絲，紅蘿蔔絲，豬肉等，炸得好脆口，食落唔油膩，最鍾意點魚露食。飛天炒通菜新鮮，爽口，搭配蒜香，好入味。泰式鳳爪有十幾隻，無骨食落爽脆沙律菜有紅蘿蔔絲，紅洋蔥絲同埋芹菜絲，食落好好掛汁，成碟菜酸酸辣辣咁好開胃。

住麗晶花園的好朋友推介《泰之味》因免加一和門前有車位以供泊車，餐廳環境寬敞座椅舒適。我們點左泰之味海南雞半隻$108，大大隻雞很厚肉無骨，肉質嫩滑，配泰式蒜蓉醬和蔥油，美味不錯好食。配白飲至岩。泰式魷魚粒炸蝦餅$88，蝦肉和墨魚粒打成膠，炸得鬆脆又彈牙，配泰式甜辣醬，提升美味。泰式燒魷魚$108，魷魚烤到外皮有焦香，新鮮味甜爽口配泰式香草醬夠惹味。（餐廳贈送自家製甜品）紅糖千層糕：口感煙靭軟糯，不太甜好食。

地道泰式風味，選用新鮮食材，服務貼心，適合親友聚餐或上班午餐之選，親民價位，讓你舌尖暢遊泰國！.🌟泰之味無骨海南雞 配油飯經典風味，選用鮮嫩雞肉，滑嫩多汁，搭配秘制姜蔥醬與辣椒醬，份外提鮮。油飯有雞油香而不膩，乾身而不硬，粒粒分明，套餐附贈例湯或飲品，輕鬆享受美味！.🌟火車頭湯粉 用料十足！湯底鮮甜濃郁，配料豐富，軟嫩牛腩、Q彈牛筋、鮮嫩生牛肉、爆汁牛丸及爽脆牛柏葉，搭配彈牙河粉，配以青檸與辣椒，風味層次豐富。.🌟泰之味小食拼盤一次嘗遍經典泰國街頭風味！金黃蝦餅外酥內彈，鮮蝦滿滿。香辣魚餅辛香開胃，口感扎實。酥脆春捲蔬菜爽口，內有鮮蝦肉，層次分明，蘸醬更解膩。雞卷嫩滑多汁，帶淡淡香茅香。蜜汁豬頸肉焦香軟嫩，爽口彈牙。適合2-3人分享，聚餐必點！ .地點：九龍灣宏光道80號麗晶商場地下G8號鋪

平日嘅午市套餐真係好抵食炒粉麵飯焗飯湯粉撈檬任君選擇 仲可以加配小食姐姐嘅服務態度都好好 我哋成程有講有笑😆🍍菠蘿豬頸肉粒炒飯 $65我哋一致評為今餐嘅MVP🏆菠蘿炒飯飯底乾身爽口 唔會油lumlum酸酸甜甜嘅炒飯配上油脂感滿滿嘅豬頸肉豬頸肉切成厚肉嘅粒狀 咬落鹹香得嚟帶啲焦香味🔥🍜越式三寶撈檬 $65呢碗絕對係飽肚滿足擔當！檬粉爽滑彈牙 醬汁酸中帶甜清新得嚟又好開胃配料有大量嘅青瓜絲 紅蘿蔔絲 生菜絲 同埋花生粒然後當然唔少得大量嘅肉類啦！！豬扒大大塊肉質嫩滑多汁 邊邊位帶啲肥膏香茅雞翼半煎炸到好香口 而且雞肉同雞皮嘅比例都好好 唔會話淨係得雞皮😙扎肉同樣係半煎炸到啱啱好 表面金黃內心仲係juicy嘅👍🏻👍🏻🥢越式春卷配泰式雞卷 $48春卷外皮薄而酥脆 餡料多到脹卜卜一啖咬開超滿足而且有陣越南菜獨有嘅香料味雞卷外皮超級超級鬆脆 餡料同樣紮實唔鬆散欣賞佢哋兩款都食得出係即叫即炸嘅 熱辣辣之餘唔會有油益味🥬馬拉盞炒通菜 $52絕對係我每次食泰國菜嘅必點項目呢間都無令我哋失望啊～～通菜翠綠鮮嫩 馬拉盞調味恰到好處唔會出現太鹹太搶嘅情況👅🦐冬陰功海鮮湯 (小) $88兩至三人都建議嗌個(小)

難得放假約返十幾年冇見ge老best，去返我地成日high tea的街坊飯堂，餐廳d姐姐好nice，出餐又快，食物質素都唔錯🩷越式三寶撈檬🍜大大碗檬粉，好爽口彈牙，而且撈埋花生、紅蘿蔔絲等食感好豐富，雞翼、扎肉、豬扒好肉嫩多汁❤️無骨海南雞配油飯🍚油飯香味濃郁，米飯粒粒分明吸收哂所有精華，而無骨海南雞雞肉嫩滑多汁，沾上辣醬或醬油又不同口味 🐤小食拼盤有五款小食：蝦餅、魚餅、春卷、雞卷、豬頸肉，可以一次過滿足乜都想試的我們☺️小食炸得香脆不油膩，啖啖肉，保留了食材的鮮味☺️豬頸肉外皮焦香，肉質油香豐富好軟易入口🍗熱柚子蜜香香甜甜好溫暖。凍奶茶茶底濃郁，入口夠滑。

食物味道不差，下午茶$40-58 ，多選擇，有撈檬、湯檬、咖喱飯等。唯一想指出的是舖內有很多小蒼蠅🪰🪰🪰，進食期間打了3隻，建議增加滅蟲次數，提高衛生標準，否則影響客人觀感。

舖頭新開張嘅時候試咗一次，印象唔錯，但之後去過幾次午飯時間都比較多人，就冇機會再食。今次難得早咗到，好快就有位可以入去。同同事除咗一人食一個lunch set，都叫咗一個小食拼盤一齊share食。📎泰式黃咖喱飯（牛筋牛腩）：黃咖喱比較偏甜口，一啲都唔會辣，但又食到咖喱嘅香味，牛腩肥瘦相間，有牛味。📎火車頭湯粉：一碗有齊哂牛筋、牛腩，牛丸牛柏葉、生牛肉，食落好滿足。就咁睇個湯底好似好清淡，但食落其實好有鮮味。生牛肉利用湯嘅餘溫浸熟，所以食落更鮮嫩，牛丸彈牙多汁，牛栢葉夠爽脆👍📎泰之味小食拼盤：呢個小食拼盤真係大份又抵食，有齊蝦餅、魚餅、雞卷、春卷、豬頸肉5款小食，大滿足。蝦餅炸得香脆，口感彈牙。個人幾欣賞佢個魚餅既調味岩岩好，之前食過太多泰式魚餅都會偏咸，呢個微辣得黎保留到魚嘅鮮味。春卷外皮酥脆，餡料充足豬頸肉燒到外焦內嫩，配埋個秘製醬汁好惹味。

📍     泰之味🌍📝整體評分：8／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝唔係朋友嫁左入九龍灣麗晶呢邊，都無機會入黎搵食，樓下超級抵食泰國料理，消費$300有得加$1換購海南雞半隻，但我地食飽先發現呢個優惠，錯過左。▸泰式生菜包◂＄98✿ 我食親泰國菜都必叫嘅生菜包，高低在於細節位，呢間肥瘦恰到好處，鮮嫩多汁，帶有濃郁的魚露、檸檬草和辣椒香氣，若隱若現散發蒜香。▸泰式豬牛雞串燒◂＄78豬牛雞各兩串，肉分別經過特製醬料醃製，烤至外皮微焦，陣陣燒烤的炭香，內裡依然 juicy。串燒搭配泰式沙嗲蘸醬，幼滑濃稠沙嗲醬有粒粒花生，可惜給得不多。▸泰式海鮮濕炒河◂＄98河粉吸滿濃郁的醬汁，搭配新鮮蝦、魷魚、青口等多款海鮮，河粉炒得勁有鑊氣味，澆上醬汁不但唔會蓋過，令到河粉濕潤卻不失嚼勁。▸芒果沙冰◂＄32點可以唔點杯芒果沙冰，新鮮芒果打成，好fresh!

今日到訪九龍灣，朋友提議我地去商場餐廳「泰之味」，話呢度嘅套餐都幾抵食😜我哋兩個人就order咗個二人餐，食泰國菜最經典就係要嗌「生菜包」，呢度嘅「肉碎生菜包」用咗泰國香料、洋蔥爆炒，醒胃得嚟唔會太酸，同埋好怕平時辣椒搶咗原有嘅味道，呢度個辣味就平衡得好好😋「泰之味海南雞半隻」 嫩滑有啫喱都係基本功，一定要試埋佢地個靈魂醬料—泰式酸辣醬！個套餐有得揀「蒜蓉/馬拉盞炒通菜」，我就最鍾意食馬拉盞嘅味道，估唔到呢度既街坊餐廳，個馬拉盞又炒得幾有鑊氣😙是日甜品「紅糖千層糕」，唔算太甜，口感煙靭！老實講，表面嚟睇就真係唔係幾靚仔，但係原來「紅糖千層糕」係佢哋自己廚房全人手製造，唔係攞貨返嚟㗎！😱另外提一提呢度免收+1，附近仲可以泊車，啱晒揸車人士過嚟試吓🚗🚘🚙｜經典二人餐 $258｜✦ 泰式地道肉碎生菜包✦ 泰之味海南雞半隻✦ 蒜蓉/馬拉盞炒通菜✦ 甜品（紅糖千層糕）

❤️無骨海南雞配油飯無骨海南雞肉質鮮嫩搭配滑潤的油飯飯粒吸收了雞肉的精華口感極佳❤️傳統喇沙海鮮湯粉湯底香濃帶有濃厚的椰漿風味海鮮新鮮度湯粉的口感滑順❤️泰式串燒3串這三串串燒肉質鮮嫩醃製的香料味道濃郁並且烤得岩岩好外焦內嫩搭配沙嗲醬，正👍❤️香茅豬扒香茅的香氣彌漫讓豬扒的味道更加層次分明肉質軟嫩且多汁搭配蔬菜無咁油膩❤️椰青椰青的清甜與清爽椰汁的天然甘甜與椰肉既嫩口十分解渴❤️珍多冰這道甜品的口感爽滑甜而不膩搭配各種配料讓人感受到多層次的味道❤️自製越式烤豬頸肉脆片這道小吃十分獨特豬頸肉的香氣與脆皮的口感夾到岩岩好讓人一口接一口十分過癮💁🏼‍♀️泰之味 (九龍灣)👣九龍灣宏光道80號麗晶商場地下G8號舖