泰之味

營業中

休息中

今日去咗九龍灣附近，約咗朋友食飯，本身以為呢一間餐廳係點心舖，但係原來已經轉咗手，而家係食泰菜。生蟹嘅選擇都算好多，而且菜式都好傳統。呢個椰香青咖喱豬頸肉真係好香！咖喱味濃郁，椰漿添咗一層淡淡嘅甜味，令肉質更加柔嫩。豬頸肉本身有啲肥膩，但搭配上青咖喱，反而唔會覺得油膩，反而非常開胃。食完之後，口中仍有咖喱嘅回甘，真係令人意猶未盡。薄餅呢個薄餅薄得剛好，外脆內軟，口感好好。餅底有啲焦香味，配搭上豐富嘅餡料，真係每一口都充滿驚喜。芒果虎蝦米子卷呢個芒果虎蝦米子卷係一個清新嘅選擇！米紙包裹住新鮮嘅蝦同芒果，口感特別爽口，配上少少花生醬，味道更加出色。每一口都係果香同海鮮嘅完美結合，令我感覺好似夏天一樣清爽，真係好適合當小食。珍多冰最後呢個珍多冰真係好正！冰沙滑順，配搭上豐富嘅配料，無論係紅豆、椰漿定係水果，都令味道層次分明。甜度剛好，唔會太膩，食完之後令人感到心情愉快，特別適合炎熱嘅天氣，瞬間可以帶走所有疲倦。

經常都喺九龍灣食嘢嘅我，早排去咗麗晶商場發現《泰之味》呢間新餐廳，餐廳主打泰國菜，價錢實惠💖我哋叫咗係泰味2人餐，有小食、主食、炒菜、甜品，都係$234咋，好抵🤑🤑！👫🏻泰味2人餐（$234）小食方面有泰式鳳爪、炭燒豬頸肉揀，我哋揀嘅豬頸肉好大碟😍 仲燒得好香好惹味添，推薦🌟！🥭 招牌全換香芒蟹肉炒飯主菜方面我哋揀咗香芒蟹肉炒飯🦀 炒飯加入咗芒果，感覺清甜輕盈🥰 蟹肉都好足料🥳🥬 馬拉蓋炒通菜食泰國菜我最鍾意叫馬拉蓋炒通菜😆 最有泰式風味，仲大大份🥳🍮 奉送甜品另外我哋仲叫多咗個🐥無骨海南雞 配 油飯 （$72），海南雞嫩滑好味，油飯夠香！泰之味📍 九龍灣宏光道80號麗晶商場地下G8號舖

呢間街坊泰菜好抵食🇹🇭開業冇耐 已經大排長龍 座無虛席✨午市套餐份量大 價錢平 仲免收加一 難怪深受歡迎👏🏻.📌泰之味無骨海南雞 配油飯 $62雞件份量幾多 皮爽肉嫩富雞香 無骨啖啖肉🍗配上薑蓉同酸辣醬 辛香惹味🫚🌶️油飯好正 飯粒乾爽分明 香口唔油膩💛.📌白咖喱香茅豬扒焗飯 $75白咖喱辛香得嚟帶陣陣椰奶甜味🥥混入大量香茅 清爽香口🍛豬扒好厚切 肉質軟腍唔嚡口🥩加埋芝士焗 超滿足🧀雖然唔係炒底 但全部夾埋食 好正🤍.📌田園素菜青咖喱 $78青咖喱辛辣十足 濃滑creamy💚素菜種類豐富 有：西蘭花, 青豆, 雜菌, 椰菜, 紅蘿蔔🥦🫛🍄‍🟫🥬🥕清爽惹味 都幾辣下🥵.📌蒜蓉炒通菜 $52午市小食都勁大碟 通菜青綠爽脆 搭配蒜粒炒 香口有鑊氣 唔重口味 清爽健康🥬🧄.📌椰青 $35椰青水好清甜 厚厚椰肉爽滑嫩口🥥.📌熱齋啡(午餐包飲品).如欲查看相關食物相片 可查閱本人已上傳之影片🎦

大家記唔記得周星馳演繹嘅國產凌凌漆去咗嘅麗晶大賓館？ 🎬我今日終於去咗麗晶大賓館個friend——麗晶商場！🤣🤣 帶你哋睇下呢個麗晶商場入面有咩平靚正又好食嘅嘢啦！🍗 泰式無骨海南雞半隻：108元，隻雞好大隻又嫩滑，真係超值！🍢 大大串沙嗲泰式串燒三串：38元，估唔到咁大串一串等於人哋兩串，真係抵食！🍜 泰式滑雞炒金邊粉：68元，仲送餐飲，真係好抵！🍲 海鮮冬蔭功湯：68元，呢個價錢離曬大譜咁平但係咁多海鮮，真係難以置信！🌟 舖頭環境好好，親切而舒適，非常適合一家大細或者同朋友聚餐。而且食物好平好好食，份量又大，大家記得多啲支持下小店呀！

好耐冇過嚟啟德，估唔到誤打誤撞都俾我發現到呢間新開嘅泰國嘢😍 飛唔到泰國住就一定要過下口癮😚 呢到係免收加嫁一，份量都好多，價錢好親民呢✨～ 強烈建議大家記得要嗌set，會再抵啲嫁😛1️⃣ 熔岩火山咖喱軟殼蟹農夫包🦀店長十分推介嘅菜式果然係冇得輸，份量大大份🙈 一份入面有6件切半嘅軟殼蟹，炸到好脆～加上有咖喱汁黏附住，超好味😋農夫包好鬆脆，最中意蘸住咖喱汁食🥰2️⃣ 芒果虎蝦米紙卷🦐虎蝦好新鮮、肉質彈牙😚～用米紙包住虎蝦、菜、甜甜嘅芒果🥭外皮煙煙韌韌口感極佳～3️⃣ 燒泰式豬頸肉🐷爽口嘅豬頸肉燒到焦香～ 好有去泰國個時食嘅味道👅而且份量都唔少嫁，食到舔舔脷😍4️⃣ 飲品🥤嗌咗泰式鹹檸七同椰汁涼粉冰🥳 估唔到居然仲有原隻大椰青添🥥

人人吃生牛肉河時，我就必定要吃豬扒撈檬粉 ，尤其喜歡口感酸酸甜甜，正如人生甜酸苦辣五味紛陳，滿滿人生經歷在目，講吓味道先，豬扒肉質好鬆化，多汁，香茅味都好入味!泰之味小食拼盤小食拼盤份量十足，而且非常有賣相，包括有蝦餅、魚餅、春卷、雞卷、豬頸肉，個人特別喜愛春卷和蝦餅，春卷外皮酥脆，內餡鮮甜多汁；蝦餅香氣逼人，豬頸肉燒到外脆內嫩，惹味無比!招牌金不換蟹肉炒飯芒果粒及蟹肉滿佈整個炒飯， 熱辣辣香噴噴，賣相吸引！ 芒果鮮甜，啖啖蟹肉十分滋味!

朋友介紹麗晶有間性價比高嘅泰國野"泰之味" ，今日放假一於去試下佢⭐冬蔭功海鮮湯有兩隻大蝦、兩隻青口、 魷魚圈、魷魚鬚、幾款唔同種類嘅菇、蕃茄仔，飲落有d辣，不過飲落好香，仲好鮮味，正😋⭐招牌蟹肉炒飯好大碟，好抵食🤤個面有好多蟹籽，驟眼望埋去就已經有好多蟹肉，仲有蛋、菜、紅蘿蔔絲，仲加埋辣椒炒，食落少少辣，不過好惹味😋炒飯唔會炒到好乾身，飯粒粒粒分明，一啖食落去，就食得出蟹嘅鮮味⭐椰汁沙冰落枱就比佢嘅外型吸引左，好大杯😍好香椰汁味，真材實料，正呀😋⭐芒果糯米飯食泰國野必食嘅甜品今次同平時食嘅好唔同，平時係椰汁係液體，今次li個係沙律醬嘅狀態糯米飯夠痴，芒果清甜，唔酸，唯一美中不足入係醬唔係多，因為個人喜好，自己鐘意多醬🤭

泰式海鮮乾炒河最愛嘅炒河之一😍河粉彈牙，海鮮又炒得恰好，同埋海鮮份量都比較多，魷魚彈牙！仲有兩舊大青口😍牙菜又爽口彈牙～一齊食口感豐富又美味😋 加上炒得勁有鑊氣，令到炒河到有別一番風味😳😳無骨海南雞配油飯雞皮帶金黃色，食落皮爽肉滑既海南雞 雞肉入口嫩滑，油飯粒粒分明有咬口🍚好食😚😚泰之味三寶撈檬豬扒真心唔錯～大大份同埋又多肉！加埋泰式醬汁一齊撈檬粉，好易入口😋泰之味📍九龍灣宏光道80號麗晶商場地下G8號舖

最近又有朋友搬新居 探佢同時當然唔少得去探索下佢住果頭附近有咩食啦🤣 今次就揾咗呢間主打街坊生意嘅平靚正嘅泰菜館 價錢親民 而且每道菜份量十足 性價比都幾高😗 雖然擺盤未必最精緻 但勝在價格合理 份量夠多 加埋小食好有驚喜 大推炸蝦餅呀😍-🍜火車頭湯粉 $72牛肉湯底清澈得嚟都好夠味 配菜都好足料 有份量唔少嘅生熟牛肉片 夠呀田嫩滑 仲有彈牙牛丸 芽菜等 好豐富呀😙-🐷泰式滷水豬手飯 $68豬手一份都有好多塊 滷得好入味 皮同脂肪部分膠質滿滿 加上酸汁中和番唔會好膩✨ 滷汁都比得好足 撈飯一流🤩-🍤泰式魷魚粒炸蝦餅 $68炸蝦餅外層炸得金黃香脆 入面好彈牙 仲有粒粒魷魚 口感好豐富😙 小店都做到呢個心意同水準真係會加分😍 一份有六塊 每塊都大大件 兩個人share最啱-🍢泰式串燒 3串 $36有齊豬牛雞各一串 串燒嘅燒烤味都突出 個沙嗲汁都幾香口 仲有少少花生粒 肉感唔會乾柴🔥-📍泰之味 (九龍灣)九龍灣宏光道80號麗晶商場地下G8號舖

放工經過諗住喺屋苑商場求其食餐，點知意外幾好食，而且待應有禮有笑容。 ✦ 海南雞飯份量多，雞肉嫩滑、無骨，有雞味。兩隻醬汁都做得唔錯，薑蓉略油，個人鍾意酸辣多啲，更加將雞嘅鮮味提昇。油飯好食，香口、熱辣辣。 ✦ 冬蔭功海鮮湯驚喜，天寒地凍之選。係用類似邊爐嘅細鍋上，保持熱辣辣。湯好濃郁、咸辣適中，而且湯料份量十足，幾乎佔咗半兜，包括大蝦、青口、魷魚片、魷魚鬚等。好滿足。 ✦ 馬拉盞通菜同樣份量多，有鑊氣，咸度適中、香口惹味。

泰菜癮起，在網上找泰菜餐廳時發現這家於九龍灣新開張的泰菜館，有午市套餐及下午茶餐，決定到訪一嚐。店員親切友善，主動建議我們小食配搭不同的醬汁，上菜速度快，座位寬闊舒適。我們點選了2款午市套餐、1份小食及1份甜品，午餐包含飲品一杯，性價比高，更不收加一服務費。主食份量充足，我們特別喜歡菠蘿豬頸肉粒炒飯，豬頸肉口感爽嫩，配搭酸甜清新的菠蘿粒及菜絲，口感層次豐富。芒果糯米飯讓我們感到驚喜，芒果非常香甜，糯米飯軟硬度適中，煙韌可口，充滿椰香。

街坊力推泰式小店位於彩虹麗晶花園內嘅價錢親民，免收加一，食物有質素，深受附近街坊歡迎。▪️冬陰功明爐烏頭明爐烏頭食得多，加冬蔭功湯底就比較少見，湯底微酸微辣，好啱香港人嘅口味，烏頭肉身較為鮮甜實淨，肉多骨少，一啲都唔腥，加上大量蔬菜粉絲，真係湯都要飲埋。▪️泰皇燒雞（半隻）燒雞即叫即燒，所以仲保留到大量肉汁，肉身都比較鮮嫩，而且外層塗抹左祕制醃料，不失為係餐廳招牌之一。▪️燒泰式豬頸肉去得泰國餐廳，燒豬頸肉就係一定要叫嘅，泰之味嘅豬頸肉燒到外脆內嫩，惹味無比，加上酸酸甜甜嘅醬汁，好快就清晒一碟！

九龍灣性價比高街坊泰式料理🤩無骨海南雞配油飯雞肉非常嫩滑，每一口都充滿了雞汁香氣，而且去骨更方便食用。油飯粒粒分明，入口軟中帶韌，充滿濃濃的雞湯香味。另外，配搭辣椒醬和薑蓉蘸料尤其出色，提升了整個層次。雞扒配沙律雞扒外層煎得金黃酥脆，但內裡依然保持嫩滑多汁，火候控制剛剛好。搭配沙律清爽解膩，不同的水果搭配沙律醬酸甜適中，酸酸甜甜很開胃。火車頭湯粉湯底香氣濃郁，牛骨和香料的融合讓人胃口大開。湯底滲入每一根粉條，再搭配薄切的牛肉、牛筋、牛腩和獨特的蔥香，風味豐富。特別是擠上一點檸檬汁、更添清新感，加上薄荷葉和九層塔等香草點綴後，整碗湯粉更加令人回味。泰式串燒（雞、牛、豬）每串肉都醃得入味且烤得適度，外層略帶焦香，內裡柔嫩多汁。雞肉串偏嫩滑，味道清新；牛肉串則充滿紮實的肉香，口感稍彈牙；豬肉串則甜鹹適中，煙燻香氣十足。凍奶茶茶底香濃但不過苦澀，奶香與茶味比例均衡，順滑無比。

泰之味呢間餐廳新開咗冇幾耐，今次同朋友嚟到九龍灣係呢間餐廳食晚飯，環境非常寬敞潔淨，座位舒適，食物份量十足。泰之味小食拼盤份量十足又有賣相嘅小食拼盤，包括有蝦餅、魚餅、春卷、雞卷、豬頸肉，特別喜愛春卷和蝦餅，春卷外皮酥脆，內餡鮮甜多汁；蝦餅香氣撲鼻而來，內餡鮮美多汁，口感層次豐富。泰式燒豬頸肉燒至外層金黃酥脆，肉質鮮嫩多汁，搭配特製嘅酸甜醬料，呢種醬料既能夠中和肉類油膩感，又能帶層次口感。菠蘿海鮮炒飯金黃色炒飯顆粒分明，口感豐富，而且融合了海鮮鮮味與菠蘿嘅果香同酸甜味，菠蘿果肉不單止增加咗口感，仲中和咗炒飯油膩感。

📍 泰之味@九龍灣天氣轉冷，食泰菜夠晒惹味暖胃，今次去到屋企附近嘅泰之味試下店舖乾淨企理，餐牌都有齊晒泰國菜嘅標準菜式，兩個人叫咗呢d:燒泰式豬頸肉$78+油飯$18太子仔必食嘅豬頸肉，有炭燒嘅香味，入口juicy唔會太乾，配埋秘製醬汁，醒神開胃椰香青咖喱雞$88+蒜蓉包$32青咖哩好香🤤，加咗椰汁所以帶少少甜味，中和咗青咖喱嘅辛辣，雞肉本身有燒過再加入咖哩，咬落多咗一份焦香，肉質剛好，蒜蓉包好脆口，用來沾青咖哩超級滿足😋蒜蓉炒椰菜苗$88椰菜苗好翠綠，唔會過老，菜框位亦夠爽口最後一讚，原本餐牌上寫椰香青咖喱豬頸肉，店員見我哋已嗌咗個燒豬頸肉就提議青咖哩可以配其他，小小建議顯示貼心服務❤️