影片
更多
2025-02-23
320 瀏覽
九龍城一街都係泰國菜，當中就有個勁搶眼大大個嘅黃色招牌 ，咁搶眼，你都係想我食你啫🤣一坐低店員就送上三碟小菜同埋熱茶，聽講小菜每日都唔同款，泡菜就固定嘅，我哋當日就有菠菜同薯仔😗石鍋烤牛肉拌飯 $88成個拌飯切到靚一靚，色彩繽紛，配菜就多囉，有冬菇、菠菜、紅蘿蔔、芽菜等等，再配埋韓式辣醬撈埋一齊食，好惹味，口感都好豐富，牛肉質素都唔低，牛味都幾濃嘅，而個辣都好Fʀɪᴇɴᴅʟʏ，因為石鍋一直保持住個溫度，食到最尾仲可以刮埋啲飯焦出嚟食😋炒粉絲 $58食韓國嘢必點嘅其中一道菜，呢度炒粉絲非常惹味，唔會炒得太乾身，保持住少少濕潤，粉絲食落都彈呀，麻油味都頗重，配料都唔少，所以食落整體都非常滿足🫶🏻無骨炸雞 $48呢度嘅炸雞用咗無骨雞柳，外層炸到脆卜卜，食落啖啖肉，而且一啲都唔嚡，調味都適中，但如果覺得唔夠鹹，你仲可以點埋佢哋主動提供嘅椒鹽同淮鹽加味，亦配埋炸雞必備嘅酸蘿蔔，夠哂正宗😆如果喺九龍城食泰國嘢食到悶，其實呢一間韓國小店都值得一試，價錢平而且質素都幾高，份量又唔少，就連唔太食韓國嘢嘅🐻都覺得唔錯
一坐低店員就送上三碟小菜同埋熱茶，聽講小菜每日都唔同款，泡菜就固定嘅，我哋當日就有菠菜同薯仔😗
石鍋烤牛肉拌飯 $88
成個拌飯切到靚一靚，色彩繽紛，配菜就多囉，
有冬菇、菠菜、紅蘿蔔、芽菜等等，再配埋韓式辣醬撈埋一齊食，好惹味，口感都好豐富，牛肉質素都唔低，牛味都幾濃嘅，而個辣都好Fʀɪᴇɴᴅʟʏ，因為石鍋一直保持住個溫度，食到最尾仲可以刮埋啲飯焦出嚟食😋
石鍋烤牛肉拌飯
$88
1182 瀏覽
1 讚好
0 留言
炒粉絲 $58
食韓國嘢必點嘅其中一道菜，呢度炒粉絲非常惹味，唔會炒得太乾身，保持住少少濕潤，粉絲食落都彈呀，麻油味都頗重，配料都唔少，所以食落整體都非常滿足🫶🏻
炒粉絲
$58
127 瀏覽
0 讚好
0 留言
無骨炸雞 $48
呢度嘅炸雞用咗無骨雞柳，外層炸到脆卜卜，食落啖啖肉，而且一啲都唔嚡，調味都適中，但如果覺得唔夠鹹，你仲可以點埋佢哋主動提供嘅椒鹽同淮鹽加味，亦配埋炸雞必備嘅酸蘿蔔，夠哂正宗😆
無骨炸雞
$48
27 瀏覽
0 讚好
0 留言
如果喺九龍城食泰國嘢食到悶，其實呢一間韓國小店都值得一試，價錢平而且質素都幾高，份量又唔少，就連唔太食韓國嘢嘅🐻都覺得唔錯
張貼
