影片
以上資料只供參考, 請與餐廳確認詳情
#MC帶你去九龍城.去親九龍城都一定食泰國菜，點知發掘到一間地道韓國菜小店！➖✨ 李師傅 韓國料理.餐廳主打正宗韓國料理，餐廳裝修簡樸，價錢親民，充滿韓式住家小店氛圍。➖🥢 韓式前菜｜🆓 ✨無限任添✨.有四款免費韓式拌菜，有韓式泡菜、涼拌豆芽、韓式蘿蔔絲及韓式翠肉瓜，大多都清爽開胃。➖🥢 釜山豬肉湯飯｜$68 ✨全日特餐✨.石頭窩上枱熱氣騰騰，豬肉片薄嫩不柴，份量足料，而湯頭用了豬骨熬成，清淡不油膩，養生暖胃；將白飯拌入湯中，變成湯飯；還附上酸漬蘿蔔及鹹蝦仔，可以自行調味，令湯飯添上鹹味。➖🥢 蔘雞湯（一隻）｜$108（⭐推薦）.韓菜必食嘅韓國傳統養生湯！將糯米、紅棗、薑、蒜及人蔘塞入雞隻中，長時間燉煮製成，雞肉超軟嫩入味，輕輕一夾就骨肉分離，湯頭清甜，超滋補！➖🥢 泡菜豬肉餃子｜$28 （⭐推薦）.一份六隻韓式蒸餃，性價比滿分！餃子皮柔軟帶點煙靭，泡菜豬肉餡料飽滿，微辣易入口，好開胃～➖✨ 奉送飲品｜Beverage.全日特餐送飲品生薑茶／柚子茶。➖✨ 服務｜Service.店員全程好有禮貌，又不停主動添熱茶，值得一讚！➖⚠️ 服務費｜Service Charge.全店沒有加一服務費。➖➖➖➖➖➖➖➖➖➖➖➖➖➖
繼續閱讀
九龍城平時都係食泰國菜，竟然比我搵到間勁貼地勁地道既韓國料理😍所以菜式都由韓國師父親手主理，連D小食都好好食🫰🏻🫰🏻價錢超平民🉑️小食好開胃😋蕃薯好甜好淋自家泡菜好香 微辣🌶醃蘿蔔片 酸酸甜甜參雞湯 (半隻)🐔🥣 $88好足料 滿滿材料 仲有人參係入面隻雞係食過炆得最嫩滑 輕力一篤就骨肉分離第一次係想吐骨都吐唔到，竟然D骨係入口即溶🙀 大癲炸醬麵🍜 $78好感動 係韓國既味道唔會好油 味道岩岩好🫶🏻餡料多到最後成碗都係餡料🥹🥹 極良心菜包白切肉🥬🐽 $198韓國師父親自燒既白切五花腩 肥瘦均勻 肉質好鬆軟菜係已經烚過 淋D更易包菜既爽口 豬肉鬆軟 醃辣粗蘿蔔脆口 泡菜辣味 配埋醬汁味道岩岩好 勁好食！ 一啖幾重口感🤌🏻🤌🏻大推‼️必點‼️炸雞都好吸引 $5X 一份正常份量餃子 $2X 一份見到好多人嗌宜家物價咁高 竟然有$5X即叫即炸既炸雞🥹🥹可惜太飽已經食唔落 下次黎再試🩷
繼續閱讀
🛖好耐無去過九龍城，今日熊妹放工同樹熊去九龍城休閒行逛一下，當然都要周圍覓食一下。📌行到福佬村道，一個黃色的招牌寫住《李師傅韓國料理》非常搶眼👀，周街都係泰國菜，咁特別的韓國菜鶴立雞群，一於進店試下！📌晚上🌃7點幾，全場9成滿座，岩岩好有一枱二人位即刻有得入座，今日幸運指數5⭐️喇😇。📌店鋪唔算好大，但都容納到好多張食枱，長方型的設計，有三張四人梳化卡位，有3-4張二至四人枱，仲有兩張5-6人大枱，所以話間格真係好緊要。釜山豬肉湯飯，$68冬天凍冰冰，緊係點啲湯水暖下個胃。釜山豬肉湯飯係釜山名物，試下夠唔夠正宗先。韓國冬天天氣好凍，古代人已經懂得用上各類保暖食具保温，免得食物會好快變冷。湯飯就用上石頭窩裝起呈上，熱鬧鬧都冒起煙來。先飲一啖湯，豬肉湯清清地，好暖胃。片片豬肉好足料，好瘦無肥肉位，再倒入白飯變成湯飯，一啖一啖飯咁吃，成個人都暖和起來，冬天食真係好適合。紫蘇刀切麵，$68食完飯就食個麵，刀切麵好大一碗，內裡配料係素菜，有冬菇片、紅蘿蔔絲、洋蔥絲同翠玉瓜絲，湯的質感好濃稠，刀切麵麵條好長有咬口，成碗份量好多，兩個人食都食唔哂。拼盤餃子，$58韓國餃子咁出名，店鋪有四款餃子，就點一盤拼盤試哂去。四款餃子分別係泡菜豬肉餃，肉餃子，大餃子同排骨餃子，每款有三件，共十二件，兩個人食絕對夠喉，岩哂餃子愛好者。水煮餃子清清地，但饀料好有味。其中，熊妹認為泡菜餃子最好味！本身都好鐘意食泡菜，加入左肉碎做餃子，中和少少泡菜辣味，圓形易入口，再加點辣醬更惹味。📌韓國料理有好多款式，辣炒年糕、蓋飯、石頭窩飯、人蔘雞湯、部隊鍋同炸雞等等都有齊，價錢親民又唔需要加一，正宗韓國菜嚟講都幾抵食，係九龍城開間韓國菜真係唔容易，生意都幾唔錯，見走一批客又有新的客源源不絕，希望李師傅可以繼續係九龍城站得住腳。
繼續閱讀
平時去九龍城都係食泰國菜，今次嚟到呢間韓國餐廳試新野🤩🤩餐廳主打正宗韓國料理，有多款韓式小菜可以任添！而且價錢親民，整體性價比高！！🥣石鍋烤牛肉拌飯 $88✨賣相吸引！包括有烤牛肉、蘿蔔絲、翠玉瓜絲、煎蛋、菠菜同芽菜等～～食之前加入韓式辣醬🌶，撈勻後辣辣地好惹味🤤🤤🥟排骨餃子 $38✨餃子即叫即蒸，外型脹卜卜！皮薄餡靚，味道香濃微甜，蘸辣醬食都唔錯❤️❤️🍗無骨炸雞 $48✨一共有6件，隻隻炸得金黃酥脆，內裡嫩滑juicy！食完仲可以食醃蘿蔔解解膩！！🍹凍柚子茶 (+$13)✨味道清甜，入口帶柚子的香氣🍊！大大杯，飲完好解渴👍🏻👍🏻
繼續閱讀
原來九龍城也有家庭式的韓國料理雖然位置不多，但仍有空間感，而且餐點性價比不錯～🐥蔘雞湯半隻 $88雞湯入口是人蔘的淡淡甘苦味，味道偏清淡富，可自行加入胡椒粉鹽～湯頭濃郁而不油膩，喝下去暖心暖胃。 雞肉燉煮得非常入味，入口即化，糯米夠軟糯～🍛石鍋烤牛肉拌飯 $88石鍋的熱氣就伴隨著濃郁的芝麻香氣～拌飯醬的韓式辣醬可自行加入，甜甜辣辣，非常開胃。各種蔬菜的味道融合在一起，清新爽口，與香濃的肉味相得益彰。最喜歡石鍋的溫度讓米飯底部形成了一層焦脆的鍋巴🥟泡菜猪肉餃 $28餃子十分飽滿，Q彈餃子皮包着酸辣泡菜及多汁豬肉，層次豐富，價錢夠貼地
繼續閱讀