影片
更多
2023-09-30
69 瀏覽
今日嚟荃灣做嘢，晏晝過咗去如心廣場搵食。見到 1 樓有間台式餐廳，裝潢以木系為主調，環境開揚明亮，反正午餐還沒有著落，就一於在這裡解決。餐廳以鹽酥雞、牛肉麵、小食及一系列台式飲品作主打，我哋揀咗酸菜魚麵、炸物拼盤、台灣香腸同飲品，兩個人分享啱啱好。蒜片台灣香腸 ($32) 香腸烤得幾香口，外脆內 juicy，腸肉肥瘦適中，入口唔會太油膩，夾埋生蒜片一齊食，辛香微甜，別具風味。酸菜魚麵 ($78) 湯底酸味頗濃郁，辣度十足，魚肉質地好嫩滑，冇骨又冇腥味，麵條煙韌彈牙，酸菜爽脆又唔會過鹹，加上吸盡湯味，口感甚佳。跟餐飲品正價減 $8，點咗杯凍三寶奶茶 ($22)，奶茶香濃順滑，內有珍珠、仙草同椰果，味道唔會過甜。炸物拼盤 ($68) 拼盤好夠份量，一碟 4 款，當中包括有花枝丸、甜不辣、府城蝦卷同椒鹽玉米。花枝丸彈牙有口感、甜不辣軟糯煙韌、蝦卷酥鬆香口、粟米炸過後仍然粒粒飽滿，入口帶椒鹽咸香，美味。
今日嚟荃灣做嘢，晏晝過咗去如心廣場搵食。見到 1 樓有間台式餐廳，裝潢以木系為主調，環境開揚明亮，反正午餐還沒有著落，就一於在這裡解決。
餐廳以鹽酥雞、牛肉麵、小食及一系列台式飲品作主打，我哋揀咗酸菜魚麵、炸物拼盤、台灣香腸同飲品，兩個人分享啱啱好。
蒜片台灣香腸 ($32) 香腸烤得幾香口，外脆內 juicy，腸肉肥瘦適中，入口唔會太油膩，夾埋生蒜片一齊食，辛香微甜，別具風味。
酸菜魚麵 ($78) 湯底酸味頗濃郁，辣度十足，魚肉質地好嫩滑，冇骨又冇腥味，麵條煙韌彈牙，酸菜爽脆又唔會過鹹，加上吸盡湯味，口感甚佳。
跟餐飲品正價減 $8，點咗杯凍三寶奶茶 ($22)，奶茶香濃順滑，內有珍珠、仙草同椰果，味道唔會過甜。
炸物拼盤 ($68) 拼盤好夠份量，一碟 4 款，當中包括有花枝丸、甜不辣、府城蝦卷同椒鹽玉米。
花枝丸彈牙有口感、甜不辣軟糯煙韌、蝦卷酥鬆香口、粟米炸過後仍然粒粒飽滿，入口帶椒鹽咸香，美味。
張貼
