影片
更多
2021-04-27
348 瀏覽
之前我都推薦過唔少馬鞍山餐廳，恆安呢頭就真係無介紹過，因為我真係好少嚟😂 聽聞呢度有條「食街」喺恆安市場入面，所以都想見識吓。恆安市場入面其實係室內街市，街市隔離就有一檔檔熟食舖，就係所謂嘅「食街」。衞生情況比預期更乾淨，地下好乾爽。去到「食街」，見到呢度有賣好多唔同嘅熟食，日式、台式、港式等都有，價錢都相當親民💁🏻♀️燒洒一族主要做外賣生意，無得堂食。除咗有西式燒味、燒味飯、酒醉系列，呢度仲有賣雞煲湯底！我見所有嘢嘅價錢都幾平，一於試吓😛酒醉系列有款式都幾多，有薰蹄、花雕雞、雞卷、鴨舌、海蝦、雞翼等。單張上西式燒味有16款，現場有11款，想試其餘款式可能要去其他分店👀店內有燒烤爐，設備唔錯。如需翻熱，可以叫店員幫你翻熱。❤️ 香草法式燒春雞 $65喺舖頭第一眼就睇中咗隻燒春雞👀 見到啲燒春雞一隻隻幢喺度，啲油滴吓滴吓咁，睇見都想食🤭 燒春雞佢有兩款揀，一款係蒜香南乳燒春雞，另一款就係香草法式燒春雞。我揀咗後者！一打開個盒估唔到燒雞分量咁多😙 燒雞外皮係金黃色佈滿香草，醃得尚算入味，燒得啱啱好，肉質唔會燒得太乾身👌🏻❤️ 慢煮醬烤豬肋骨(細) $48因為驚叫大size食唔哂，所以叫一份細嘅
恆安市場入面其實係室內街市，街市隔離就有一檔檔熟食舖，就係所謂嘅「食街」。衞生情況比預期更乾淨，地下好乾爽。去到「食街」，見到呢度有賣好多唔同嘅熟食，日式、台式、港式等都有，價錢都相當親民💁🏻♀️
燒洒一族主要做外賣生意，無得堂食。除咗有西式燒味、燒味飯、酒醉系列，呢度仲有賣雞煲湯底！我見所有嘢嘅價錢都幾平，一於試吓😛
酒醉系列有款式都幾多，有薰蹄、花雕雞、雞卷、鴨舌、海蝦、雞翼等。單張上西式燒味有16款，現場有11款，想試其餘款式可能要去其他分店👀店內有燒烤爐，設備唔錯。如需翻熱，可以叫店員幫你翻熱。
❤️ 香草法式燒春雞 $65
喺舖頭第一眼就睇中咗隻燒春雞👀 見到啲燒春雞一隻隻幢喺度，啲油滴吓滴吓咁，睇見都想食🤭 燒春雞佢有兩款揀，一款係蒜香南乳燒春雞，另一款就係香草法式燒春雞。我揀咗後者！一打開個盒估唔到燒雞分量咁多😙 燒雞外皮係金黃色佈滿香草，醃得尚算入味，燒得啱啱好，肉質唔會燒得太乾身👌🏻❤️ 慢煮醬烤豬肋骨(細) $48
因為驚叫大size食唔哂，所以叫一份細嘅試吓。平時去餐廳食Pork ribs起碼百幾蚊起跳，呢度只係賣$48！😧 真係幾平，一排骨好長🤭唔好以為細size會淨係得好少肉，其實都幾多肉食👀 佢雖然未去到骨肉分離，但慢煮嘅關係令肉質唔會過熟或太乾柴。
❤️ 沖繩黑糖焗叉燒 $48
用沖繩黑糖整叉燒真係好少見👀 肉質偏瘦，甜度適中，如果燒到有少少燶邊就更好😎❤️ 酒醉溏心蛋 $18
哇！睇吓個溏心蛋個流心🙊 蛋黃呈黏稠膏狀，煮到恰到好處。每隻都係一樣嘅流心程度！溏心蛋有微微花雕酒味，甜味明顯，倒埋佢附送嘅汁，酒味會更濃！用嚟做佐酒小食一流😸叫咗咁多，埋單都唔過$200！真心平💁🏻♀️ 下次我會試吓佢其他酒醉系列，試完個溏心蛋之後覺得酒醉系列應該幾啱我食😙 可以平時買嚟加餸👌🏻
張貼
