影片
營業時間
今日營業
10:00 - 20:00
星期一至日
10:00 - 20:00
以上資料只供參考, 請與餐廳確認詳情
相關文章
玻璃櫃展示咗各式燒味同酒醉小食，望落好吸引！佢哋主打港式燒烤同酒醉系列，選擇多到眼花撩亂，燒味同小食都好足料，價錢仲好親民，超啱同朋友買返屋企慢慢食慢慢chill！ᴡʜᴀᴛ ᴡᴇ ᴏʀᴅᴇʀᴇᴅ🍴 慢煮醬烤豬肋骨（大）豬肋骨份量超多，慢煮到肉質軟滑唔乾柴，醬汁甜甜地好惹味，唔會過鹹，肉味濃郁又唔騷，咬落去肉汁滿瀉，佐酒真係一流！🍴 沖繩黑糖焗叉燒叉燒用沖繩黑糖焗過，甜度啱啱好，唔係死甜，肉質嫩滑偏瘦，帶陣黑糖嘅香氣，食落好有幸福感，港式燒味加日本風味真係好有創意！🍴 岩鹽烤青魚柳（2條）青魚柳用岩鹽烤過，魚皮香脆，魚肉嫩滑唔腥，淡淡嘅鹽香提味，食落好清新，2條份量啱啱好同朋友share，健康又美味！🍴 酒醉豬手豬手酒香濃郁，花雕酒滲透到肉入面，煮到軟腍入味，皮膠啱啱好，咬落去肉汁同酒香一齊爆發，佐酒或同飯一齊食都正！🍴 酒醉雞卷雞卷酒味好香濃，肉質滑嫩多汁，淡淡嘅花雕酒甘香滲入雞肉，咬落去仲有少少酒香爆發，食完真係停唔下來！🍴 香甜蜜味烤雞脾雞脾大隻又juicy，烤到外皮香脆，肉質嫩滑，蜜味甜甜地好入味，食落特別滋味，$20一隻真係抵到笑，燒烤控必試！
繼續閱讀
之前都喺燒洒一族買過烤焗燒味 今次就試下冷盤小食✨所有樽裝小食開蓋就可以即食 加餸同宵夜一流😈.📌麻辣鴨舌 $96係全新推出嘅辣過癮麻辣系列 用上秘製麻辣醬, 豆蔻同八角等超過十款嘅辛香料製成 麻香同辣夠晒濃郁🌶️仲有少少甜味 中和番個辣勁 濃香得嚟又唔會太over🙌🏻每罐有成18至20條咁多 口感好爽脆 又入味🦆.📌麻辣豬耳 $46豬耳同麻辣味同樣好濃郁 豬耳爽脆彈牙 軟骨位唔會太硬咬唔到🐽.📌酒醉燻蹄 $45試埋深受歡迎嘅酒醉系列🥰打開已經聞到陣酒香 食落濃濃花雕酒甘苦味🥃配上皮爽肉嫩嘅燻蹄 凍冰冰食 超正🍖.📌酒醉海蜇 $45海蜇鮮美爽口 好好咬 低熱量又有營養功效🪼含有豐富嘅膠原蛋白 仲可以降低血壓同清熱化痰 絕對係健康嘅口痕之選😚
繼續閱讀
之前食過燒洒一族嘅德式豬手同燒腩仔真係次次屋企有人黎都會買返份, 次次食完個個like, 今晚又有fd黎, 見大家都係好辣之人, 即刻落街市整返幾款冷盤返去開餐先.🥢咁大個雪櫃, 擺滿多款洒醉/麻辣小食, 每一罐易拉蓋份量好足, 價錢勁親民地30幾蚊至50幾蚊就有一款; 雞軟骨, 鴨舌, 豬耳, 雞翼尖, 牛展, 金錢肚, 薰蹄, 腎片通通有齊.🥢Mix n match地每2款買5蚊抵食!!🔥🌶️麻辣系列金錢肚嘅格格紋掛上豐富嘅麻辣汁, 每一件都啖啖口感; 而雞軟骨嗰種爽口, 每啖有軟骨+小小肉嘅口感, 加上入哂麻辣味食到停唔到口, 真心辣, 俾人秒清ed.🍶😋洒醉系列Beer Beer佢梗係要搭埋洒醉小食: 豬手粒, 腎片海蜤都要大推. 豬手粒會唔會勁大粒同埋啖啖肉呀好正🤤, 腎片爽口得不得了, 平時醉雞嘅花雕洒香出現喺爽口腎片度味道真係好夾, d海蜤條條脹卜卜口感超爽滑, li d下次真係要encore.
繼續閱讀
恆安街市一向都多野食住開馬鞍山，間唔中都會過去買下燒賣食行過呢間專賣酒醉小食同燒味的小店佢的酒醉小食好吸睛👀係用一個膠樽裝住感覺好衛生，保質期可以放長少少價錢大約$30-$50，以$45為主而且買兩樽可以減$5，好吸引🤑今次試左4款，共5樽總括而言，佢的酒醉產生好入味每樽份量唔少，樽樽都係裝滿哂的份量而且啖啖肉😋而最讓我驚喜的是雞軟骨本身食開的雞軟骨都係炸的小食心入面都諗酒醉的味夾唔夾架點知一食就停唔到口😍原來好夾，而且佢每粒都好爽口好適合做小食🤤我仲試左酒醉豬手、醉雞同埋薰蹄都做得好入味值得一試👍🏻
繼續閱讀
平時傳統燒味食得多呢一間燒味係西式燒味將傳統燒味混入西式煮法鍾意去款式多價錢平。揀咗德式燒豬手（細），豬手好正！外皮好夠脆，而且肉質鹹鹹地又夠腍。出邊食呢啲德國豬手真係好貴，呢度就真係抵食！黑糖焗叉燒，叉燒充滿黑糖味甜甜地，叉燒味道亦都唔錯，半肥瘦。另外買咗啲小食宵夜一流。揀咗兩款：酒醉雞翼、酒醉鴨腎。兩款嘅酒醉味都好香，鍾意佢調味料分開，返到屋企先自己落。鴨腎真係做宵夜一流，食唔停！呢度仲有好多唔同款嘅燒味，下次再嚟買！
繼續閱讀
您可能會有興趣的...