影片
更多
2023-07-29
86 瀏覽
同個好耐冇見嘅朋友食飯，行過見到間Pizza未夠6:30已經坐咗一半客人，於是就入去試吓佢咩料😗😗一入門口就有隻好得意嘅三眼仔Pizza Figure 🥰🥰餐廳算係平民價格，百零蚊就食到一個九吋pizza。於是我哋叫咗一個千島海鮮薄批，薄批咬落好脆，而且上面亦都好足料，除咗蟹柳之外，仲有蜆肉，有我最鍾意同Pizza一齊食嘅菠蘿🤣🤣🤣睇黎我唔可以做意大利人🤣千島醬pizza一啲都唔漏。之後仲叫左檸檬蜜糖雞翼，個檸檬味好出，食落又真係有淡淡的蜜糖味，早知就嗌夠六隻啦🥲之後我哋驚唔夠飽，嗌咗個蒜香牛肉粒焗長通粉。長通粉有勁多牛肉粒，好似食餸仲多過食啲通粉咁，勁足料🤣🤣🤣餐廳有自助配料區，有得瘋狂加芝士粉，勁開心🥰仲有個洋蔥圈，即使放咗一陣，食落都係好脆口。配埋個泰式辣醬會食到停唔到口😗😗😗除咗Menu上面嘅嘢飲之外，仲可以嗌青檸梳打同埋柚子梳打。個柚子梳打我開頭以為冇乜特別，但係拎到上嚟幾有驚喜可以打卡🤣🤣一路坐喺度堂食，都見到不停有人嗌外賣，睇嚟都係區入邊親民價錢嘅小店。如果第日去開土瓜灣，都覺得係可以encore嘅餐廳，而且又冇限時可以同朋友慢慢傾偈聚舊😋
一入門口就有隻好得意嘅三眼仔Pizza Figure 🥰🥰
餐廳算係平民價格，百零蚊就食到一個九吋pizza。
於是我哋叫咗一個千島海鮮薄批，薄批咬落好脆，而且上面亦都好足料，除咗蟹柳之外，仲有蜆肉，有我最鍾意同Pizza一齊食嘅菠蘿🤣🤣🤣睇黎我唔可以做意大利人🤣千島醬pizza一啲都唔漏。
之後仲叫左檸檬蜜糖雞翼，個檸檬味好出，食落又真係有淡淡的蜜糖味，早知就嗌夠六隻啦🥲
之後我哋驚唔夠飽，嗌咗個蒜香牛肉粒焗長通粉。長通粉有勁多牛肉粒，好似食餸仲多過食啲通粉咁，勁足料🤣🤣🤣
餐廳有自助配料區，有得瘋狂加芝士粉，勁開心🥰
仲有個洋蔥圈，即使放咗一陣，食落都係好脆口。配埋個泰式辣醬會食到停唔到口😗😗😗
除咗Menu上面嘅嘢飲之外，仲可以嗌青檸梳打同埋柚子梳打。個柚子梳打我開頭以為冇乜特別，但係拎到上嚟幾有驚喜可以打卡🤣🤣
一路坐喺度堂食，都見到不停有人嗌外賣，睇嚟都係區入邊親民價錢嘅小店。如果第日去開土瓜灣，都覺得係可以encore嘅餐廳，而且又冇限時可以同朋友慢慢傾偈聚舊😋
張貼
