影片
更多
2025-04-17
0 瀏覽
去酒吧飲嘢食嘢，會有一種好特別嘅氛圍，就係因為有音樂同埋歌曲，大家傾計嘅時候就會不期然咁坐得近啲，咬下耳仔，變得親密。呢間酒吧，除咗有好嘅live music，同時間嘢食都非常唔錯，所以我就帶咗心儀嘅女仔過嚟食咗個2人餐。🍖前菜我哋要咗三文魚凱撒沙律仲有芝士焗薯蓉，清新嘅凱撒沙律，羅馬生菜好新鮮，三文魚亦都唔會太咸，而個焗薯就真係超水準，除咗熱辣辣，仲有好強勁嘅拉絲，薯蓉入口即溶嘅口感，再加上有少少煙肉，配上超濃郁嘅芝士， 好味。🍖主菜有一個pasta，同令人期待嘅威靈頓牛柳。我哋揀咗用vodka同埋辣汁做醬汁嘅paccheri ，配合埋一個超正嘅mozzarella cheese,個辣汁非常之掛個意粉，一啖裡面裏裏外外都有住嗰種刺激，而今次芝士變成柔軟嘅口感，同時亦都幫忙沖淡辣味，過癮得嚟又有個完美嘅finishing。🍖當然不得不提就係威靈頓牛柳，呢種高貴而且難處理嘅菜式，喺廚師手上都演繹得非常出色，個pastry 剛剛好包實，入面切碎嘅菇，而且佢係傳統地用煙肉包裹住牛肉，中間仲有一層鵝肝，成件事一啲都唔會散。佢亦都好用心咁幫你預先切開一半，咁樣影相就更加igable。睇返張相你見
🍖前菜我哋要咗三文魚凱撒沙律仲有芝士焗薯蓉，清新嘅凱撒沙律，羅馬生菜好新鮮，三文魚亦都唔會太咸，而個焗薯就真係超水準，除咗熱辣辣，仲有好強勁嘅拉絲，薯蓉入口即溶嘅口感，再加上有少少煙肉，配上超濃郁嘅芝士， 好味。
🍖主菜有一個pasta，同令人期待嘅威靈頓牛柳。我哋揀咗用vodka同埋辣汁做醬汁嘅paccheri ，配合埋一個超正嘅mozzarella cheese,個辣汁非常之掛個意粉，一啖裡面裏裏外外都有住嗰種刺激，而今次芝士變成柔軟嘅口感，同時亦都幫忙沖淡辣味，過癮得嚟又有個完美嘅finishing。
🍖當然不得不提就係威靈頓牛柳，呢種高貴而且難處理嘅菜式，喺廚師手上都演繹得非常出色，個pastry 剛剛好包實，入面切碎嘅菇，而且佢係傳統地用煙肉包裹住牛肉，中間仲有一層鵝肝，成件事一啲都唔會散。佢亦都好用心咁幫你預先切開一半，咁樣影相就更加igable。睇返張相你見到個牛肉焗得啱啱好，個顏色好粉嫩，而且超靚。食落口嘅時候菇菌同埋鵝肝嘅香氣，完全滲入牛肉。做得真係相當唔錯。
飲品我哋飲咗啤酒，我朋友雖然好lady，但係爽直之人，就陪我飲啤酒。但係其實佢有好多cocktail，非常特別，大家下次可以再試吓。
佢呢度有一個台，做live band，呢日可能我哋太早嚟，就未有表演者，但氣氛都好好。都坐咗好多人，仲咁啱有一台人幫一個朋友慶祝生日，餐廳仲特登做咗個LED燈牌，俾客人影相留念。
張貼
