影片
港鐵尖沙咀/尖東站 N3 出口, 步行約2分鐘
繼續閱讀
電話號碼
23691333
56049108 (WhatsApp)
開飯介紹
集西餐廳及酒吧於一身，設有一個放滿樂器的舞台，可以一邊用餐一邊欣賞liveband表演。
繼續閱讀
營業時間
今日營業
12:00 - 03:00
星期一至五
12:00 - 03:00
星期六至日
17:00 - 03:00
以上資料只供參考, 請與餐廳確認詳情
有關獎賞計劃
今日聽朋友介紹去到位於尖沙咀嘅彌敦左岸食西餐，去到門口見到做緊promo，做緊98蚊3小時任飲紅白香檳，已經吸引到我直上坐低，每樣有幾個牌子可以揀，唔係淨系得一款，飲幾杯都值回票價。今次叫咗個2人set，包咗沙律、小食、意粉同埋一個main course，都係$598好抵1.凱撒沙律配parma ham沙律菜非常爽脆新鮮，麵包糠非常脆口，而且沙律汁都做得非常有味道，加上parma ham嘅鹹香，令成個味道昇華咗2.三重芝士焗薯蓉薯蓉做到非常creamy，味道亦非常平衡，外面嘅芝士燒到焦香，芝士味濃而不漏，配埋薯蓉，簡直一流3.香辣伏特加醬大水管粉配流心布袋芝士大水管粉煮嘅時間啱啱好冇過火，唔會過淋或過硬。而醬汁加上伏特加調劑，食落去香辣帶有少少酒味，非常惹味。布袋芝士質地軟綿，食落香滑，配埋香辣嘅伏特加醬汁成件事好特別4. 烤脆皮三黃雞（半雞）半隻三皇雞喺你面前，淋上烈酒點火，烈酒同香料嘅味道混埋， 由火焰帶出，未食都已經流晒口水。雞皮夠曬脆口，而且肉質鮮嫩多汁，一啲都唔會嚡口，唔使另點醬汁都夠曬味道整體黎講，餐廳食物質素高，而且價錢唔係貴，岩晒三五知己一齊黎happy hour飲飽食醉
繼續閱讀
尖沙咀人氣酒吧餐廳 「彌敦左岸」環境氣氛超好，夜晚八點開始就有Live Band ，而且食物質素驚喜美味，兩個人嚟食推介「威靈頓牛柳雙人套餐 」，主菜如果唔食牛，必食新鮮「烤脆皮三黃雞」，另外仲有超值 $ 98「3小時無限暢飲」紅白酒、氣泡葡萄酒或無酒精飲品任飲，真係好啱一邊聽歌一邊飲酒，超有feel👍✨左岸精選｜威靈頓牛柳雙人套餐 $ 598▪️意大利巴馬火腿凱撒沙律Parma ham 配合凱撒沙律，用上羅馬生菜超新鮮，香脆煙肉碎、烤麵包 、巴馬臣芝士碎、凱撒沙律醬，清新美味又開胃▪️原味脆炸薯條炸薯條不需搞太多花臣，原汁原味才是最好食，新鮮即炸粗薯條，熱辣辣香口又香脆，是飲酒的最佳伴侶▪️美式黑松露芝士通粉驚喜的美味，焗通粉配上大量拉絲芝士和黑松露醬，面層芝士仲要焗得好焦香，煙煙韌韌好香口，芝味滿瀉▪️烤脆皮三黃雞（半份）必食推介，用上新鮮三黃雞，即叫即焗店員仲會在你面前即剪保證新鮮，雞皮香脆到不得了，雞肉嫩滑夠晒入味，味道鹹香鹹香帶有香草的味道，配上自家製燒汁和沙薑雞醬汁，真係非常之好食，配菜仲原個烤蒜頭、小蕃茄、法國西蘭花，蘿蔔和粟米▪️3小時無限暢飲 $ 98紅、白、氣泡葡萄酒或無酒精飲品自助式無限添飲，中場位置設有吧枱放上酒類飲品，自己拎隻酒杯出去鍾意飲幾多就斟幾多，真係超正▪️香奈小姐 Ms.Hanna Gis (無限添飲）Mango Puree | Yogurt | Green Tea | Citrus呢杯無酒精飲品都包喺無限添飲裏面，飲一杯其實已經回本👍
繼續閱讀
好耐無約朋友啦，今日出黎尖沙咀飲番杯先。依間bar好多like，就決定係依度吃埋夜晚。 煙鱔青蘋果沙律配流心布袋水牛芝士 - 煙鱔油脂味都幾夠，加上有淡淡既煙燻香味，真係好正。水牛芝士完全唔手軟，成舊直接上，夠曬誇張。依個沙律配左松露蜜糖油醋汁，酸甜可口，認真開胃。 蒜鹽香酥魷魚鬚 - 估唔到份量甘大！魷魚鬚係一口大細，最特別係佢既炸漿，吃落再平時既好唔同，特別香脆，加埋蒜鹽就特別惹味，推薦。 蛋黃汁卡邦尼意大利粉 - 蛋黃汁包裹住每一條意粉，加上面頭有大大塊煙肉同大量芝士。隻汁撈埋咸香煙肉芝士，味道剛剛好，更加滑更加creamy，唔錯。 西班牙黑毛豬火腿薄餅 - 超強既拉絲芝士，加埋大量黑毛豬肉片，好正。味道配搭唔錯之餘，個人覺得個餅底都好正，焗到剛剛好香脆，唔太厚或太薄，好味。 整體黎講質素好高，同時餐廳都有唔少活動，下次可以黎join埋。
繼續閱讀
位於尖沙咀，係一間主打live band音樂、氣氛休閒嘅西式酒吧。場內裝修帶歐陸風，座位舒適，啱晒一班朋友聚會或者想喺城市中放鬆下德國咸豬手（Pork Knuckle）份量大，皮炸得金黃香脆，肉質鬆軟唔乾柴，配埋酸椰菜同炸薯條增加口感。出面脆皮有厚度但又唔會太油，內裡豬肉保持嫩滑，鹹香味道適中，一流送啤酒炒青口（Sauteed Mussels）眼見每隻青口都夠厚身，煮得啱啱好，入口十分鮮甜，配以蒜蓉白酒汁，芳香但唔會搶味。底下有烘脆麵包，用嚟蘸汁食特別滿足，成個菜色新鮮度高，無腥味French Martini調酒師落足心思，賣相吸引，酒杯面仲有花瓣裝飾。入口酒味唔算重，以伏特加、莓果酒同菠蘿汁組合，飲落果香突出又有絲絲清新甜味，女士飲更啱呢度滿足到對氣氛和菜式質素都有要求嘅朋友。現場除咗有live band音樂，燈光舒服、環境寬敞
繼續閱讀
Parma Ham 沙律 🥗✨沙律份量好多，Parma有鹹香，麵包粒香脆，沙律菜都好新鮮，作為頭盤唔錯三重芝士焗新鮮薯蓉 🥔✨薯蓉上面鋪上滿滿嘅芝士，一夾上嚟見到拉絲已經非常吸引；然後薯蓉質地水潤，加埋牛油同芝士香，真係好邪惡蒜頭辣椒炒深海虎蝦配意粉 🍝✨醬汁微微辣又帶點甜味，充滿乾辣椒嘅香味，係有小小川味嘅感覺✨意粉軟硬適中，加埋醬汁炒完真係好香，加埋蒜片食夠晒惹味✨虎蝦大大隻，仲要已經剝咗殼，質地好彈牙威靈頓牛柳 🥩✨酥皮外層金黃酥脆，焗完仍然保持乾身✨牛柳煎得熟度剛好，唔會過熟變硬✨加埋黑松露同鵝肝，味道更加濃郁豐富，香氣十足French Martini 🍸✨入口飲到有檸檬嘅果香同小小茶味，餘韻再有Gin嘅酒味，好易入口Ms Hanna 🥃✨呢杯Mocktail有芒果嘅果酸味同淡淡yoghurt味道，夠晒開胃呢度環境好有feel，仲有駐場live band，一定要再嚟飲多幾杯！
繼續閱讀
您可能會有興趣的...