彌敦左岸

去到尖沙咀諗唔到食咩好又想chill chill哋呢間就啱晒啦餐廳晚市menu仲去到凌晨一點🥹今次我哋叫咗🔹法國Rougie 鵝油封鵪鶉腿 整法幾特別 係鹽焗嘅🥹 睇佢以為得個樣鵪鶉腿俾鵝油包住 點知焗完都好juicy😻 🔹美式煙燻醬燒西班牙黑毛豬肋骨 呢個有揀size要 0.5kg / 1kg我哋揀咗0.5kg，都有6大嚿肉質一啲都唔柴仲跟埋salad 🥗 同薯條🍟🔹北海道珍寶帶子辣肉腸XO汁扁意粉🍝呢款fusion 意粉幾特別有勝瓜，雲耳，辣肉腸，番茄乾，意粉做配料用勝瓜同雲耳又真係第一次見🤣夾埋一齊食又夾喎👍🏼辣辣地咁帶子都有三大粒，唔會話過熟😻意粉份量都唔會好少🤓…查看更多

叫我諗一間喺尖沙咀坐得舒服有得聽Live Music 🎶食飯水準穩定性價比高彌郭左岸都係我會揀嘅其中一間晚餐有食過 晏啲嚟飲酒都食過🤤都係咁好氣氛☺️咁啱今日又有Live Music🥰呢度最好就係地方方夠大就算想傾計坐開啲都唔會好嘈必食法式龍蝦湯😋好多人推介嘅龍蝦湯真材實料，一放上枱已經聞到好香嘅龍蝦味煙三文魚凱撒沙律🥗正常水準發揮🥰 多啲三文魚就好啦🤭最後仲有呢個重點豬肋骨😋個醬有少少似燒烤醬令成道菜式嘅味道都有所提升🥰…查看更多

臨近聖誕，想跟女朋友去搵間有live band既餐廳慶祝節日，最後發現左呢間"彌敦左岸"。如果要確保你去既時段有live band睇，就記得要事先book位同打電話去問清楚。用餐當日，雖然有預約，而用餐又沒有限時，但店員要求齊人先比入。到齊人後，亦要等大概10分鐘才可以安排入座。不過，店員安排的坐位非常近stage，主要黎欣賞live band的我們，當然是很開心。一坐低，梗係要叫返杯飲品先。我們先點了一杯生啤然後再翻翻menu，我一見到呢杯Mocktail個名，就落左order了，佢叫"乜春"!酸酸甜甜咁好易入口，飲左好開胃。之後叫了兩款主食，分別有美式煙燻醬燒西班牙黑毛豬肋骨和烤黑松露菌醬海鱸魚柳貓耳朵粉。豬肋骨味道不錯，而且肉質好滑。魚柳烤過味道特別香，可惜貓耳粉味道欠奉，略為失色。由於兩份主食份量都不細，食完之後未能嘗試更多，不過當日live band主音唱得不錯，亦能令餐廳加分，相信不久將來都會再返黎encore。…查看更多

「彌敦左岸」呢間餐廳好耐之前已經聽過，一直都想試吓一路聽住live band，一路食嘢，感覺應該會十分chill☺️ 直至去到前排終於有機會試到呢間餐廳，雖然暫時冇咗live band，但係變咗播歌同播奧運，同樣都咁有氣氛！而且嘢食質素仲要幾唔錯添😋一向麻麻哋食青口嘅我，去到餐廳淨係會嗌白酒煮青口嚟食，因為貪佢加咗酒可以去咗陣腥味🙈 而呢度嘅藍青口亦都無嗌錯，青口經過白酒忌廉汁煮過後，唔腥不特止，仲食到佢嘅小小鮮甜味😌 份量仲唔少添！不得不讚佢個汁真係好好味，用嚟點蒜蓉多士一流👍🏻本身都已經鍾意食卡邦尼意粉，見到佢係配自家製手工意粉就即刻嗌咗嚟食😍 仲加咗錢要黑松露菌(+$80)，上到嚟聞到好香嘅松露同芝士味！呢個意粉嘅醬汁比較杰身，所以一定要趁熱食，如果唔係啲意粉會痴埋一舊🙈 手工意粉口感啱啱好，每啖意粉都好掛汁，而松露味都幾出下，幾推薦鍾意食carbonara又鍾意食黑松露嘅朋友仔！至於黑毛豬肋骨佢有兩個size可以選擇，由於我哋兩個人食，所以我哋嗌左最細「Bite 」呢個份量，但個份量一啲都唔細，足夠三個人食都得😛 個rib佢燒得啱啱好，配合埋一層酸酸甜甜嘅燒烤醬調味，令佢食落唔會覺得太乾或者鞋口，而且又幾醒胃☺️ 薯條係有幼身同脆嘅薯條🍟，都幾好食，唔錯！由於我哋兩個都唔太想飲酒，所以我哋分別嗌左兩杯mocktail🍹 菠蘿冰呢一杯落咗薄荷syrup，所以飲嘅時候除咗有菠蘿味之外，亦都會夾雜咗少少薄荷嘅味道，令到成杯嘢飲都好鬼fresh🤪而另外一杯mocktail見佢個名咁盞鬼都嗌咗黎試吓，呢杯佢就加咗玫瑰同埋荔枝syrup ， 配合埋Cranberry juice，配搭唔錯，配豬肋骨都幾match ，都係酸酸甜甜嘅味道，不過飲耐咗我覺得有啲過甜🙈總括而言，呢間餐廳嘅食物質素都有返咁上下，而環境都幾唔錯，佢昏暗嘅環境好另有一番浪漫同幽靜嘅感覺，都真係幾chill，如果有埋live band就更正😳 呢間餐廳會係我放工後happy hour 一個唔錯嘅選擇！…查看更多

兩個女仔三個main,我地一行二人，雖然大家都怕肥，但如果好食，又食得開心，一切都值得啦。本身係想食龍蝦，但因為8點半先放工來到，所以已經賣曬。但因為我地咩都想食，pizza, pasta 還是BBQ ribs, 所以就叫了3個main 加甜品，一於黎個大滿足。 先叫飲品，Meh spring 兩杯，明早又要返工，所以唔飲酒了。叫了mock tail裡面有lemon juice ，ganberry juicy立即覺得好fresh¸好清新。做左成日野，好想有這種感覺。 第一個main -黑松露菌醬野菌pizzaPizza份量一D都唔細架，一共有8件，最深刻係芝士份量，真係好多好多，係好厚好厚既一層，配合唔同既野菌，加上新鮮整作，熱辣辣。 經典意大利卡邦尼大意粉特別在於佢個汁，與平時食到既卡邦尼汁好唔同，可能有落蛋黃汁，好creamy¸好rich,而且麵質都有點唔同。但係幾特別既，有別於一般餐廳卡邦尼。 美式煙燻醬燒西班牙黑毛豬肋骨Size其實可以選擇bite或者係full,今日揀了bite，其實係好大份，裡面有菜絲，等你可以fresh一D有薯條，仲要係超級脆既薯條Ribs本身都好好味道，黑毛豬肋骨食材本身都有好香肉味，加上燒既時間岩岩好，真係唔錯。食到E度，我都兩個都好飽，但最後都係食得曬。唔好曬呀ma! 甜品Tiramisu好大件，好大件呀。一層一層既咖啡香味，咖啡cream。正另外，今日現場應該有2枱都有生日，我見係度慶生好開心呀，見到店員都會拎一個小小既煙火連埋甜品一齊出，平日多數只係係甜品上寫生日快樂，我下次都好想試下。好開心既感覺 …查看更多

我加了人工又獲得bonus，當然要找間高質餐館食大餐慶祝一番，所以就重臨一年前來過的彌敦左岸，只因當時不論食物飲料及環境氣氛都留下美好印象，加上這裡有live band表演，實在值得再次回味。分開兩層，下層感覺是casual 一點，最適合和朋友happy hour 把酒談歡。上層面積廣闊，每張枱之間留有不少空間，坐得舒服寬敞，配合昏暗柔和的燈光，氛圍確實浪漫得令人沉醉，氣氛悠閒，很適合情侶來約會呢！過了大約十時左右，中間的大枱更會搖身一變Beer Pong，可以邊喝邊玩盡興而歸。星期六大約九點開始就有live band 演出，滿足味蕾之餘，同時欣賞現場演唱，這天更是full band 上陣，氣氛熱鬧，讓客人感受Live Music的即興魅力。餐牌選擇很多，小食更分有大細size。美式芝士煙肉焗薯皮 $58薯皮焗得金黃，外面脆卜卜， 濃郁的芝士鋪滿整塊薯皮，煙肉焗得香脆，惹味又香口。裡面的薯仔口感綿軟，以芝士煙肉和酸忌廉配上熱騰騰薯皮，滿是鹹香滋味，作為薯仔控的我表示無法抗拒！美式煙燻醬燒西班牙黑毛豬肋骨 $128雖然只點了半份，但豬肋骨加上沙律薯條等配菜，可說是份量十足。豬肋骨肉質軟腍，不會過韌，加上表面依附著厚厚的煙燻醬，相當惹味，不過骨位比較大件頭，所以咬下去就不算多肉。薯條連著薯皮炸得外層酥脆，肉心軟綿細密，邪惡又美味，完全吃到停不了口！黑松露菌醬烤海鱸魚柳、煙肉、燒南瓜、車厘茄、芥蘭苗、帕馬臣芝士汁捲紙通粉 $158這款pasta的配料超豐富，蔬菜種類尤其多，包括南瓜、車厘茄和芥蘭苗，所以吃起來清爽不滯膩。海鱸魚柳烤後的面層微脆，魚肉雪白滑嫩，多汁不乾身。平時在餐廳來來去去都是意粉、長通粉、闊條麵、蝴蝶粉等等，這道捲紙通粉中間的夾縫位盛載著更多香滑的帕馬臣芝士醬汁，煮出Al dente輕微韌度的口感。芝士蕃茄比薩 $128pizza餅底較薄，十分脆口，不像美式般厚實，不會吃得飽飽滯滯，不過今次稍為焗得過了火候，令批邊略帶微微焦苦味。pizza 配料雖不多，但表面舖滿厚厚的芝士，可以造出拉絲效果，反而更能突出其濃郁邪惡的芝香。朱古力心太軟伴雲呢拿雲糕 $68今次焗完的形狀雖然有點古怪 XD 不過無損其濃厚的朱古力味。切下脆脆的表層就會緩緩地流出香濃醇苦的朱古力醬溶漿，不會變成固體，結合微溫的朱古力蛋糕，伴雪糕吃，一冷一熱，就是最高享受。Peachy Coco $68其實就是加了椰果的桃茶，味道清甜自然，裡面還有一粒粒咬口QQ的椰果。BC Punch $68 這杯則是混合了梅子味的青檸梳打，酸酸甜甜，冰爽解渴。…查看更多

尖沙咀赫德道，一個酒吧林立的地段，以前每逢大球賽盛事或三五之己Happy hour，都會到此區暢飲一番。最近再次來到，發覺一間之前常去的酒吧已搖身一變為裝潢別具氣派的酒吧西餐廳。店舖佔地兩層，單看名字還以為是一間中菜館。樓下是開放式的酒吧，供客人望著街景摸下酒杯底歡樂時光，樓上則採用了較古典書卷氣的裝修，深啡色的傢俬枱櫈配上柔和暗黃的燈光，書櫃裡放滿了古舊書藉裝飾，滿有文青味道；另一邊廂卻又設有一個舞臺，每晚都有Live Band演唱，情調醉人，還記得童年時，間中會一家大細到歌廳酒廊，一邊食西餐一邊聽現場歌唱表演，這裡的氣氛就有點相類似，那懷舊的情操徐徐湧出，令人細味著舊日的足跡。入座後細閲餐牌，除了有一般酒吧應有的酒精類飲品外，還會有多款精緻小食，自家製意粉和意大利飯，慢煮肉類和燒烤扒類，自家製 Pizza和甜品等等的西式食品供應，選擇豐富，感覺專業，確是一間非一般的酒吧。首先先來一杯餐廳的Signature Cocktail - Earl Grey On Rock，這是由小店自家設計調製出來的雞尾酒，以伯爵茶作基底，加上肉桂糖漿、乳酸、蘋果汁和氈酒調配而成。起初入口微甜酒味較嗆喉，陣陣的肉桂香夾雜著淡淡茶香，味道特色，而最特別的是酒裏的冰塊也是以伯爵茶雪凍而成，所以不會越飲越淡，而是隨著茶冰融化，茶香越來越突出，很有心思。接著輪到小食登場，香煎鵝肝多士配無花果醬，多士以牛油烘得香脆，上面放上大大塊煎得焦脆軟嫩的鵝肝，面頭再放上無花果醬和火箭菜，賣相簡單而吸引。鵝肝多士嫩滑即溶中帶香口，無花果醬的酸甜正好中和了油膩感，吃完滿口甘香，令人回味。牛肉墨西哥烤餅配酸忌廉 · 牛油梨醬 · 蕃茄沙沙，一碟有四大塊烤餅，薄薄的餅皮夾著牛肉、蕃茄、芝士和墨西哥辣椒，煎得微脆，入口鬆軟多汁，滿有芝味，酸香刺激，配上隨碟的三款醬料，牛油梨醬軟滑中帶微酸，蕃茄沙沙帶著香草香，清新開胃，而個人最喜歡的是佐上酸忌廉，酸滑中帶奶香，最能吃到烤餅的原有風味，口感味道俱佳。美式煙燻醬燒西班牙黑毛豬肋骨（半份），這款豬肋骨有Bite size或Full size可供選擇。由於我們想多試幾款小食，所以只選擇了Bite size ，但其實都有4-5支骨，加上伴碟的薯條和沙律菜，份量也算不少。豬肋骨肉質鬆軟嫩滑，醬汁酸甜醒胃，煙燻味頗為突出；豬肋肉的份量雖不是太多，但每一啖都吃到那濃郁的滋味，骨頭啜得乾乾淨淨，吃豬肋骨就是要這樣才痛快吧？！伴碟的粗薯條炸得十分香脆，沙律菜亦很鮮爽，配上簡單的油醋汁已很清新美味。接著是今日的主角登場，手拆蟹肉蟹粉汁自家製意大利粉配鮮海膽，餐廳每日限量製作，意大利麵是自家新鮮即製，跟平時吃到的有點不同，口感較為彈牙滑溜。而蟹肉蟹粉汁更是無話可說，廚師手拆的蟹肉蟹膏份量十足，蟹香濃郁，一絲絲的蟹肉夾雜著勁多橙黃色的蟹膏，配上滿有海洋風味的加拿大海膽，以清香的蕃茄帶起了整份鮮香美味，每一條意粉都掛滿了海膽蟹粉汁，甘香鮮甜，馥郁芳香，這道西日融合料理配搭得宜，實在非常出色。整晚的菜式都很有驚喜，想不到在酒吧裡可以找到這麽有質素的出品，而且還有手工即製意粉供應，實在是讓人意想不到，加上還有現場Live Band 伴餐，聽著靚歌食好西，感覺很特別和Relax，難怪用餐當天雖是平日也都高朋滿座，而且當中不少更是斯文的OL女士，整個氣氛休閒中帶點典雅，三五知己來到淺嘗聚餐就最適合不過。…查看更多

今天是我和男朋友的週年記念，選擇一間有feel的餐廳是一定的吧！在他千辛萬苦，芸芸餐廳之中，他選擇了這間—Nathan left。晚上8時許，我們到達了尖沙咀，我已經抱著興奮的心情前去。穿過尖沙咀站，走到了尖東N3出口，出去再走3，4分鐘便到達，位置方便。餐廳有兩層，地下主要是一些吧枱。不少外國人在這裏飲番一兩杯chill下。上層就主要是用餐的食客。往樓梯上去已經聽到美妙live band的音樂聲。我們被安排坐在live Band前的二人座。一路都很怕live Band的音樂聲很轟烈，很嘈吵，連說話也很辛苦。但我喜歡這裏的原因是因為live Band很柔和，主要是唱Michael Jackson啲歌曲，很溫柔，很享受，聲響不會太大。坐下都已經9時，我們迫不及待地order食物。我們先點了兩杯飲品，再慢慢細看餐牌。Crazy juice $88我一向都是菠蘿汁和椰汁的粉絲。這就是用了菠蘿汁，橙汁，椰汁一起調製的mocktail。椰汁和菠蘿味道非常濃郁，凍冰冰的。上面更灑上椰絲，猶如一個雪面。細心品嚐，能夠吃到一絲絲的椰絲口感。Taste of life $138我男朋友就點了這杯cocktail，這杯是用一些檸檬汁，西柚蜜糖，和帶有甜味的烈酒調配出來。對我來說，味道有點強，因為我不太能喝酒。味道強烈，帶有甘香，入口有些少苦澀，而我男朋友頗喜歡。食物方面，我們點了兩個小食和兩個主菜。法式焗田螺$98一碟有六隻田螺，剛剛焗起熱辣辣的。田螺都算大隻，與芝士，牛油，白汁和香草一起焗，味道很香，上枱時已經聞到。店員很貼心會給食客小夾子和小叉讓你容易拿起和拿出田螺肉。田螺有很香的牛油香味，加上蒜蓉，很香口。牛肉墨西哥烤餅配酸忌廉，牛油梨醬，番茄沙沙 ＄118一碟有四大片烤餅，烤餅材料有香草，芝士，番茄和牛肉。番茄有很多水份，很鮮甜。芝士也在烤餅內溶化，啖啖芝士香氣。它有三種醬料，分別是酸忌廉，牛油果醬和番茄沙沙。酸忌廉較清淡，更容易吃到烤餅的香氣。牛油果醬很香滑，有香濃的果香。番茄沙沙帶有鹹味，空口吃，也美味。美式煙燻醬燒西班牙黑毛豬肋骨＄198這個豬肋骨可以選擇bite size 或者full size。我們很大食，所以選擇了full size ，份量的確很多。一整條豬肋骨足足可以切成大約八至九件。加上旁邊的薯條和沙律菜，份量很足。煙燻醬味道濃郁，每一啖肉都吃到醬料的濃郁滋味。肉質腍身，很容易離骨，吃得方便。薯條炸得非常香脆，是我很喜歡的粗薯。把薯條蘸上茄醬，很滋味。沙律菜很新鮮，用簡單的酸甜醬汁拌勻，已很美味。手拆蟹肉蟹粉汁自家製意大利粉配鮮海膽＄208它是每日限量的，所以怎樣都要一試。意大利麵是自家製的，跟平時吃到的不同。它較為腍身，像中式面的質感。每一條意粉都平均沾滿了蟹粉汁，蟹香味濃郁。細味品嚐，能夠吃到一絲絲的蟹肉，更令人驚喜的是有金黃色的蟹膏呢！意粉上面的海膽很新鮮，很鮮甜，有濃郁的海膽鮮味。與意粉拌勻，滋味無比。今頓晚飯，我們用音樂和美食記錄了我們倆的週年紀念。我們也在想着下個月的聖誕大餐也不如在這裏用餐，再感受一下音樂x live band 的氛圍吧！…查看更多

星期五晚同朋友出尖沙咀食嘢，之前食過呢間彌敦左岸，食物都唔錯，就book 左位去食喇。呢間餐廳最好book位，因為我見好多時walkin 都會無位或者要坐樓下。咁岩擁正我地個日夜晚10點有band show function, 所以都特別多人。首先叫咗個小食拼盤，小食拼盤有法式田螺、和牛串、炸雞、炸軟殻蟹、parma ham+melon、德國腸同埋煎虎蝦，食物種類都好多，一個拼盤又有肉又有海鮮又有生果，食物質素都好好，最好味就係個煎虎蝦同埋法式焗田螺，好香好入味，不過就得兩隻多人share就要爭啦。之後就到個黑毛豬肋骨，我哋帶咗個bite size，因為都叫咗好多嘢食所以叫個細size下啦。但係其實好後悔因為真係好好食，ribs黎講佢好多肉好厚肉，一面勁林勁juicy,平時食ribs選骨多過食肉咁，今次就唔同，用刀叉切到勁多肉出黎，好好食，主早叫大size,唔係貴好多。我哋呢班食肉獸梗係唔少得叫牛扒啦，諗左好耐叫安格斯好定叫和牛好，不過價錢唔爭好遠又好似好少地方有和牛牛扒食，咁就叫咗個M5和牛啦。我哋叫咗五成熟，一嚟到切開入邊好似好生咁，不過好彩食落都唔覺得生，仲好林，好易咬。和牛嘅脂肪係口入面溶化，加埋佢上面果舊菠菜牛油，配合得超級好。其實食咗咁多肉已經飽左一大半，之後上個Pizza最後都食唔晒。呢款Pizza都算好足料，西班牙辣肉腸再加辣牛肉，啖啖肉，芝士有勁口勁多，食一塊都已經飽喇，真係要叫多幾個朋友來先食得晒呀。其實我都係因為佢嘅意大利粉所以再嚟幫襯，因為我之前食過一個意大利粉真係好好食，食過返尋味，不過今次就應該轉左餐單冇左之前果款，所以都試咗另一隻限定pasta試吓佢。拆蟹肉蟹粉汁手掣意大利粉加海膽，真係有好多好多蟹粉蟹膏係入邊，雖然唔多唔少都會食到少少蟹殼不過都唔會吉到口，食嘅時候小心啲啦，佢個味道有少少似龍蝦伊面咁，不過就轉左係蟹汁蟹肉同埋蟹膏，真係好足料好好味。間餐廳啲cocktail同mocktail好多種類,我哋到一人叫咗一杯試吓，味道都唔錯賣相亦都好靚，同朋友來飲吓嘢都唔錯ga.食飯食到10點鐘佢哋就開始有band show啦，我唔知係咪個個禮拜都有，如果想淨淨地食餐飯傾下計嘅話，咁book枱嘅時候就最好問一問有冇band show,因為一開始左就勁好氣氛勁熱鬧架啦, 不過想傾計就會辛苦少少啦。…查看更多

美國菜向來給予我偏濃偏膩的感覺，在時今講求健康生活的世代，大家都講求少油少鹽，當然在餐桌上也要食得健康啦！ 前幾日和朋友食了這間美國菜餐廳，讓我改變了最初對美國菜的觀感。餐廳的氣氛不錯，與朋友醉酒談心，晚上十時還會有 現場live band，將氣氛推高到熾熱一點。美式煙燻醬燒西班牙黑毛豬肋骨，蝴蝶結姐姐知道烤豬肋骨是很考究烹調的功夫， 這個醬燒黑毛豬肋骨刀落時柔軟細滑，一點也不會韌，而那個燒醬汁亦不會過份濃郁，與肉的口感剛剛好。低溫慢煮燒原隻法國黃油春雞，釀西班牙辣肉腸及意大利白豆配薯條 ，以慢煮的方式將黃油春雞燒製，肉汁能夠緊緊鎖在雞肉裡，而口感亦會更為之滑。雞肉內裏釀了西班牙辣肉腸及意大利白豆，令到雞肉和肉腸之間亦吸收了各自各的精華。北海道鮮帶子煙肉露筍香辣蒜片汁扁意粉，意粉上到枱面，那巨型的帶子相當吸睛，扁意粉炒得不硬也不太軟，有少少辣 ，但很香，好似蝴蝶結姐姐不太食得辣的 也能夠接受呀。為了一睹live band ，我們不知不覺也欣賞到了十一點，呷一口酒，聽著音樂，當日有什麼壓力也通通忘記了。…查看更多

自從結婚後已經好耐冇試過同朋友去酒吧飲野或者夜晚約人出街睇波，今晚趁老婆約左朋友我都約老友食飯。老友訂左呢間尖沙咀赫德道的彌敦左岸同我撐枱腳。👬由於太耐冇過呢邊飲野，所以我都不知道赫德道開左呢間有LIVE BAND表現的酒吧餐廳。由於老友驚我搵唔到，所以仍約我係N1出口等，轉個彎就到彌敦左岸。餐廳位於1樓，係地下果層經過可能留意唔到原來有間餐廳。彌敦左岸裝修好有格調，我地坐的位置好接近LIVE BAND用的表演臺，不過由於時間尚早所以未有表演。根據之前去好多酒吧食野的經驗，一般食物款式選擇唔多，我以為老友係貪呢度環境氣氛好，所以黎飲野吹吹水。但當店員攞Menu俾我地再細心介給餐廳的菜式時，我先知原來呢度係一間正正式式的西餐廳。🙈夜晚會有Live Band表演，不過我地今日早黎未有機會欣賞到。餐廳入面仲有一部份應該係要預訂先可以享用的地方。餐牌上食物款式好多，花多眼亂所以我地先點左飲品再慢慢揀野食。😆我地一人點左一杯Mocktail，老友點左Left Ice，我試左一啖，味就好自然，奶味唔會太濃，果味好突出，同埋唔會太甜。我點左杯清清地的Peachy Coco，茶底主要係蜜桃味紅茶，有微微荔枝味幾清甜，茶上面兩粒荔枝好甜好好食。前菜我地點左一份西班牙黑毛豬火腿蜜桃BB菠菜沙律配芥茉籽蜜糖油醋汁，芥茉籽蜜糖油醋汁比黑醋味就更好，酸甜度適中，蜜桃同沙律菜都好Fresh，火腿肉味好濃，滲出陣陣油脂甘香。下次一定要帶超愛Jamon Iberico的老婆黎食呢個沙律。👍手拆蟹肉蟹粉汁自家製意大利粉伴鮮海膽上枱時，店員提示我地應儘快食，因為怕意大利粉會吸太多汁變腍。我地當然聽話啦，因為意大利粉都係趁熱食好食，海膽好鮮甜，而且都好大塊，蟹肉同蟹粉份量都多，自家製意大利粉麵質同普通意大利粉唔相似，比較似芝士龍蝦的伊麵，吸入左蟹粉汁好惹味，我地好快就清哂全碟。😋最抵食係呢份美式煙燻醬燒西班牙黑毛豬肋骨，好大份，西班牙黑毛豬肋骨比一般食到的丹麥或巴西豬肋骨唔同，肉質更嫩滑而且好入味，煙燻味濃又唔會太咸，配的薯條係粗薯條，香脆又多薯肉。呢間酒吧餐廳真係好Surprise到我，好味而且菜式選擇多，下次要帶老婆後再食。餐牌…查看更多

這晚，我們一行四人靚女美食團一起走到尖沙咀赫德道 <彌敦左岸> 食晚餐預祝聖誕節！我們先相約在 K11等，然後一起行過去！很開心有姊妹去完新加坡旅行送上手信，又收到大家的聖誕禮物，多謝她們之餘，實在很高興！ <彌敦左岸> 裝潢有點改動，在表演台附近加了玻璃，我們被安排到近表演台的角落那張桌子！自成一角！ 就算當晚旺場，起碼有八成食客，卻不會覺得太嘈吵， 播放節奏輕快的英文歌，氣氛輕鬆不俗！ 而 Live band 則 10:00 註場，我們卻食完急急腳走去 1881 影聖誕裝飾！ MenuCalifornia Punch $58 (happy hour)整杯味道似是果汁先生的橙汁味， 略帶菠蘿汁 & Cranberry juice 的香甜！香煎北海道鮮帶子青蘋果羅馬菜沙律 $148有 3粒帶子，每隻肥大肉厚！ 煎至表面熟透而保持內裡鮮嫩可口！ 羅馬生菜長身，新鮮爽脆，配上自家製沙律醬，酸度清新開胃！美式煙燻醬燒西班牙黑毛豬肋骨 $188果然份量十足，不用二百元的確抵食！ 醬汁香濃惹味，惹人垂涎， 卻是肉質略乾！不及 Bel Cibo 的出色！ 配上的粗薯條薯味特濃，是我最愛吃！手拆鮮蟹肉蟹黃手製意大利粉伴海膽 $198蟹肉及蟹黃份量也不少！蟹黃甘香豐腴，手製意大利粉更是誠意之作，口感軟硬適中又吸汁，伴上新鮮海膽，令整體更濕潤鮮美！一會兒給大家食清光！低溫慢煮燒西班牙式乳豬 $208低溫慢煮燒西班牙式乳豬火候調教得準繩！食落皮脆肉嫩多汁，配上清新的法邊豆及薯角，讓大家食得更滿足吧！ 同時，可以中和濃膩感！恰到好處！抹茶布甸 $62沒想到這件甜品雪到起霜！ 輕帶抹茶味，雪到起霜影響口感不太討好！…查看更多