The Platter (悦品度假酒店‧屯門)

營業中

休息中

今次要試吓佢哋嘅半自助晚餐🍽😎估唔到質素都真係唔錯！Semi Buffet嘅好處就係會有個main course，唔使我哋出去自助區同人搶食，食飽飽再出去自助餐區域食唔同嘅甜品或者前菜😋真係包羅萬有，閒日仲有折！🍽️ 波士頓龍蝦配香檳忌廉汁及芝士自助餐好多肉食，所以想試吓海鮮今次叫做呢個波士頓龍蝦，好有驚喜，開邊龍蝦見到滿滿嘅蟹籽，配埋creamy嘅忌廉汁味道一流，芝士薯蓉同埋脆炸薯仔夠特別🤤將成個主菜味道升級晒！🍽️ 海鹽烤安格斯肉眼配黑松露汁安格斯肉眼叫咗三成，靚牛三成就可以食到佢嘅牛味，簡單用海鹽燒一燒，外脆內軟，牛味濃🥩又有黑松露汁調出牛味，值得一試！其實兩份主菜都大大份，食完都有啲飽肚，但係自助餐區仲有大量野食😋Pasta🍝同雞🐥揀～魚生冷麵等前菜、冷凍海鮮、蝦、野飲同甜品等都可以任拎任食😝最特別係有即切火腿同埋哈密瓜，好多選擇🥳最正係甜品時間，有海鹽同埋豆腐雪糕，仲有好多味道🍨同埋不同類型嘅甜品，為食嘅我當然咩都食少少啦！呢間親子度假酒店以火車站🚂為主題～我哋就係喺一個火車造型嘅餐枱入面食自助餐，酒店有吾少打卡位同親子玩樂室俾大人小朋友玩，啱曬親子時間！