更多
2015-03-01
3793 瀏覽
親友團拜,細個食buffet、近年去酒店中菜餐廳飲茶、食圍菜,今年揀咗私人會所“蘇浙滬”。之前阿姨已問定表兄弟姊妹想食乜,結果樣樣都想食嘅情況下,叫到成枱嘢食,掛住食,有啲包麵類都冇影相。食物水準平均地高,基本上每一樣都冇失手。重點講下我最鍾意嘅😋:燻蛋半熟蛋黃及軟軟的蛋白帶煙燻味,我自隊咗一隻。素鵝熱身,脆皮得嚟冇乾到界口,腐皮同齋涵嘅比例剛好。脆鱔真係堅脆卜卜,甜甜地又香口。芝麻大餅好似食緊餅乾咁清脆但又唔會乾到燶,充滿芝麻同䓤香。樟茶鴨好重茶燻味,皮下脂肪全烤走,皮脆肉香。高力雪糕蛋白皮綿彈厚重又熱,雲呢拿味雪糕半溶涼冰冰,帶來雙重口感。多謝姨丈阿姨嘅款待,仲有各位長輩表親嘅利是😁
張貼