李師傅 韓國料理

營業中

休息中

店舖位置距離宋皇台站近，位處大街唔難搵。店舖為小店風格，店員有禮溫馨。閒日夜晚唔少街坊幫襯，唯一小瑕疵係因此等得比較耐，但店員再忙都會幫手refill茶水。 ✦ 石鍋烤牛肉拌飯 好睇又好食，佯菜砌到靚靚，有冬菇、菠菜、紅蘿蔔、芽菜等，撈埋一齊食韓式辣醬食，少少辣好惹味。石鍋令飯嘅溫度一直keep住，食到尾都熱辣辣，仲要有香脆飯焦。 ✦ 豬骨湯飯大大舊豬骨，有成三舊，煮到淋淋哋幾易咬，但仲keep到豬肉味唔會柴。胡椒係肉眼可見地多、加埋本身辣，令湯水好暖胃，啱晒冬天飲。 ✦ 泡菜豬肉餃好食，泡菜個人覺得幾辣，喺舌尖嗰種辣，好惹味。豬肉量多，令餃子變得比平常大隻。皮有彈性，整體口感很好。 親民嘅韓式小店，價錢唔貴，埋單兩個人兩舊水有找。