影片
更多
2022-08-30
87 瀏覽
呢個月返工係全年最忙嘅日子，難得同事了出去食飯，佢哋介紹咗你呢間餐廳，好彩早少少去，因為間小店， lunch time時間好快已經滿座。食lunch價錢親民，幾十蚊就搞掂，連牛扒都唔使過$100 ，所以我就叫咗牛扒，仲送嘢飲，嘢飲自己喺雪櫃攞，估唔到咁好可以有選擇飲支裝果汁。食物嚟到覺得好有外國嘅感覺，因為係用一個不鏽鋼大碟放住所有食物，包括牛扒沙律薯條同埋包。薯條係厚切嘅薯條，新鮮炸起脆卜卜，點一點茄汁一定好食，呢個包有驚喜，外脆內軟而且有少少蒜蓉嘅香味。正。牛扒雖然唔係超級大塊，但對於我來講都好夠，最重要係唔會好硬亦都唔會煎到全熟，我話5成熟真係做到，而且牛扒有濃郁嘅牛味，我一咬入口已經好多肉汁，估唔到一間小店可以做到咁出色，我哋成班同事又可以多間小店聚腳啦。
食lunch價錢親民，幾十蚊就搞掂，連牛扒都唔使過$100 ，所以我就叫咗牛扒，仲送嘢飲，嘢飲自己喺雪櫃攞，估唔到咁好可以有選擇飲支裝果汁。
食物嚟到覺得好有外國嘅感覺，因為係用一個不鏽鋼大碟放住所有食物，包括牛扒沙律薯條同埋包。
薯條係厚切嘅薯條，新鮮炸起脆卜卜，點一點茄汁一定好食，呢個包有驚喜，外脆內軟而且有少少蒜蓉嘅香味。正。
牛扒雖然唔係超級大塊，但對於我來講都好夠，最重要係唔會好硬亦都唔會煎到全熟，我話5成熟真係做到，而且牛扒有濃郁嘅牛味，我一咬入口已經好多肉汁，估唔到一間小店可以做到咁出色，我哋成班同事又可以多間小店聚腳啦。
張貼
