夢 (已結業)

碌IG時唔見過人地啲相有個盤勁靚，今日終於book到位黎喇😍 嘩嘩嘩真係每一樣食物都好似件藝術品咁 觀賞度滿分 野食又點呢？即刻話你知～📍先付(前菜)係一個分子料理，一打開個木盒勁有仙氣，佢真身上面係士多啤梨泡沫，裏面有蜜瓜啫喱同北海道白粟米📍八寸(開胃菜)係一幅夏日海灘主題場景畫～一黎到見到啲石仔背殼海灘同太陽傘，我真係欣賞左好耐😂😂講返四款小食：夕張蜜瓜西班牙火腿脆鬆餅/明太子脆北海道粟米粒/紫薯百合果凍/純洲南高梅📍造身(刺身)場境依然係夏日，不過今次係入咗水底喇～背殼上就北海道帶子、太刀魚同右口魚，樣樣都超新鮮📍御造(刺身) 呢個係北海道牡丹蝦他他，上面係蝦膏，魚子醬紫蘇花，再配上三款口味青柚子/海鹽同櫻花蝦米紙，味道嘅層次亦都跟米紙嘅不同而有所改變，好特別～📍御惋(湯品) 蝦湯入面配有白昆布烏賊，蝦湯上面嗰塊係鱈魚乾📍酢餚(涼伴)蠔上面再加埋蠔味嘅泡泡食落蠔味勁濃📍燒物 係毛蟹脆皮春卷～上面仲有蝦膏柚子啫喱；最後仲要試埋個北海道粟米，超香甜！📍御飯(飯料理)餐廳招牌菜：兩款海膽再混埋黑松露三文魚籽等材料連埋飯撈黎食 每一啖都超滿足📍止惋(湯物) 係辣辣既麵鼓湯📍水物(甜品)