Sky726

疫情有緩和嘅跡象，就可以出返嚟周圍食。好耐冇食過西餐有冇得周圍去，就去咗旺角附近行吓，食咗一間裝修唔錯嘅西式餐廳。地點方便，成幢大廈都係林林嘅餐廳。間餐廳位於棟大廈嘅最頂層，景觀非常開陽。除咗勁靚嘢食都好正。我哋食咗一個香煎慢煮黄油難伴暖波菜沙律。個黃油雞係慢煮嘅，所以入口非常嫩滑。黃油雞的雞肉控制得恰到好處，唔會太肥膩。有少少黃油又可以帶出成隻雞嘅香味。仲要配埋個沙律，食完肉之後配返沙律，就非常之配合。好少食菠菜沙律，呢個菠菜沙律食落非常清新，本身唔係太鍾意食菠菜，都忍唔住食多幾啖。甜品就食咗個火焰朱古力球。呢個甜品真係啱晒打卡。個朱古力外皮有少少酒精，點你個上嚟就可以慢慢燒慢慢俾你打卡。成件事好有心思。佢重點係，味道方面都控制得好好。唔會太甜，朱古力味又好濃。非常滿足。