旺記冰室 (大本型) (已結業)

因為我有親戚住喺油塘～探佢之前就決定喺油塘搵吓有咩好食🙈估唔到呢間餐廳都幾巴閉，晏晝12點幾都有10幾個人喺出面排隊🤣既然一場嚟到，我都唔輸蝕排下隊入去食，睇吓有咩咁好食🤩原來呢度最出名嘅就係滑蛋叉燒飯，當個飯嚟到嘅時候真係忍唔住打返個卡！隻蛋望落去真係超級滑😍一啖叉燒蛋再加一啖豉油飯，真係好完美😍叉燒甜甜地真係幾好味😋我覺得加啲蔥花上去簡直係畫蛇添足👍而且佢嘅豉油係屬於甜豉油，唔會太甜，又唔會搶咗叉燒同埋蛋嘅味道🤩