火鍋撚 (雲明行) (已結業)

紅白駌鴦鍋 $158 紅色湯底係祖傳秘製麻辣鍋，白色湯係蜂巢豆腐白湯鍋。白湯超正，我係會為左佢再黎😍以雞湯 豬骨湯 蔬菜湯熬制，加埋人參同牛乳煮成，材料望落九唔搭八，但味道出其地夾，似有藥膳味既豬肚白肺湯，當然呢個白湯味道更有層次更好味。湯底內既鴨血帶煙韌，蜂巢豆腐吸收晒湯既精華，超好食! 最正果陣新張期限可以無限refill 原湯同蜂巢豆腐鴨血，我地encore左兩次😆相反，麻辣湯無白湯咁出色，雖然味道好濃好足料，湯亦唔會太油，但湯底略嫌帶點苦🙈配料方面，點左安格斯肥牛 (小) $148，肥瘦分佈均勻，肉質鬆軟。駌鴦雙蚌 $118 桂花蚌新鮮又厚肉 呢個要encore，珊瑚蚌則偏爽脆。仲有新張期限附送既 #葡萄火撚夜明珠，口味有香芋紫薯、芝士白菌、密瓜奶等等，除左密瓜奶味道怪外，其他都唔錯，有啲似火鍋版既水晶包😜