初味

營業中

休息中

以前一直覺得天后區係無嘢食嘅，嚟到先發現原來都有幾多選擇。不過後尾我地都係揀咗呢間不起眼嘅西餐，因為揭咗下佢個menu，發覺有我地啱食嘅嘢，所以就決定入去試下。我地各叫咗一個意大利飯和意大利麵，一齊share食。黑松露意大利飯配燒北海道帶子：意大利飯醬汁濃郁，好creamy，香甜嘅意大利飯配上焦香嘅帶子，好match，唔會食到膩。帶子都係大大粒，好鮮甜。胡麻汁鮮茄意大利麵配炭燒虎蝦：呢個意大利麵我地都一致認為好味，醬汁好特別，又惹味，意大利麵好掛汁，虎蝦亦都係大大隻，用料一啲都唔馬虎。環境雖然細咗啲，但都無影響舒適度。