Kodette

營業中

休息中

lunch時間路過見到有85折，就試咗呢間叫 Kodette 嘅餐廳，點知出嚟質素麻麻，價錢又唔平，食完有啲失望。🍖鐵板鴛鴦扒（豬扒+雞扒）配蔬菜薯條 $98鐵板上枱嗶嗶聲都算有氣勢，不過啲肉真係唔掂。雞扒同豬扒都煎得好乾又嚡，咬到嘴都攰，雞扒冇肉汁，豬扒更加係柴到直頭唔想食。同埋啲汁得一個兜仔裝住得好少。成件事差過茶餐廳普通鐵板餐差唔多，分分鐘大家樂嘅鐵板餐仲好過佢。見佢85折加返少少分。配菜有啲西蘭花、翠玉瓜同薯條，份量唔多，薯條都係林哂，完全唔脆。整體賣相又普通，無驚喜。🥣忌廉湯白色忌廉湯，味道偏稀，入口有啲奶味，正常發揮。🍋熱檸茶熱檸茶正常發揮，不過講真，呢杯係成餐最穩陣最好飲。