影片
電話號碼
51352100
開飯介紹
融合了法國菜和意大利菜元素的西餐廳。賣相和用料都非常講究，適合節日慶祝和公司活動。 熱門菜式如香煎鵝肝意大利飯， 香烤和牛肉眼扒配黑松露紅蔥頭汁和原隻芝士龍蝦尾扁意大利麵都十分受歡迎。
繼續閱讀
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
lunch時間路過見到有85折，就試咗呢間叫 Kodette 嘅餐廳，點知出嚟質素麻麻，價錢又唔平，食完有啲失望。🍖鐵板鴛鴦扒（豬扒+雞扒）配蔬菜薯條 $98鐵板上枱嗶嗶聲都算有氣勢，不過啲肉真係唔掂。雞扒同豬扒都煎得好乾又嚡，咬到嘴都攰，雞扒冇肉汁，豬扒更加係柴到直頭唔想食。同埋啲汁得一個兜仔裝住得好少。成件事差過茶餐廳普通鐵板餐差唔多，分分鐘大家樂嘅鐵板餐仲好過佢。見佢85折加返少少分。配菜有啲西蘭花、翠玉瓜同薯條，份量唔多，薯條都係林哂，完全唔脆。整體賣相又普通，無驚喜。🥣忌廉湯白色忌廉湯，味道偏稀，入口有啲奶味，正常發揮。🍋熱檸茶熱檸茶正常發揮，不過講真，呢杯係成餐最穩陣最好飲。
繼續閱讀
搵食經過見到餐廳棟個牌出嚟有下午茶，見都係$58價錢唔算貴所以入去試下。話說qr code 落單，餐廳名係梨滿園，有唔少韓式選擇，包括上湯海鮮烏冬$45，侍應叫我埋單時過隔離韓國餐廳。其實都已經覺得奇怪，但我深信我係食西餐，所以揀咗$58 嘅海鮮湯麵，點知嚟到o哂嘴，因為呢碗係一碗十丸公仔麵，所謂海鮮有一隻蝦，“魚”蛋，“龍蝦”丸，仲有蜆 (兩隻殼但得一粒肉，蜆肉甩出嚟嘅即係唔新鮮)。我以為起碼有蝦，一片魚柳，配意大利麵咁，係我諗多咗。本來諗住ok嘅話下次嚟食晚飯，但大佬你畀d咁嘅嘢我會唔會太過份，我覺得自己好on x，嬲到我要即刻寫食評。
繼續閱讀
星期六同家人慶祝生日，想選擇一間地方闊落，安靜及可以有放鬆感覺嘅地方。第一次嚟科學園Kodette這餐廳食晚飯，環境舒服、燈光、氣氛及服務態度都很好，整體感覺舒適悠閒。我哋ordered二人、一人餐及沙律等。套餐有傳統嘅餐湯，麵包，main course同埋甜品，法式蜆肉長通粉、香煎鱸魚魚柳、藍莓鴨胸沙律都非常不錯。甜品方面，朱古力心太軟配雪糕及是日甜品（cappuccino蛋糕）甜度適中，作為晚餐嘅總結，非常滿足！唯獨是豬扒有點乾，但味道還是不錯，家人都很滿意！埋單時還有discount，這一餐晚飯性價比高，會同家人朋友再嚟。
繼續閱讀
搵到一間食物和環境一流地方，真系要分享一下。 無論喜歡一個人嚟食，或是朋友家人， 這間KODETTE都唔錯👍 服務員好快趣落單，又坐得舒服。食物、餐具又衛生。價錢合理。想講講啲肉質新鮮， 煮出剛巧煮度👍甜品我哋掛住🥰食只系影咗一款。葡式木槺布甸、朱古力克力架餅。👍
繼續閱讀
**環境氛圍**： Kodette嘅裝潢好有格調，時尚又舒適，燈光柔和，令人放鬆。座位安排得唔錯，適合同朋友聚會或者約會。**服務質素**： 服務員好親切，樂意幫我介紹菜式，感覺好舒服。上菜速度快，等唔耐就可以食到。**食物評價**： - **香煎安格斯牛肉眼**：煮得剛好，肉質嫩滑，配上特製醬汁，味道超正！ - **泰式紅咖喱牛根腩飯**：醬汁濃郁，牛根腩煮得剛好，口感好好。 **總結**： Kodette真係一間好正嘅西餐廳，食物好味，服務又好！如果你鍾意西餐，記得去試下！我一定會再嚟！
繼續閱讀