小滿定律

營業中

休息中

星期六夜晚大排長龍！估唔到夜晚八點幾九點都仲有好多人食乳酪雪糕，呢度都有幾多配料揀，落單大概5-10分鐘就有得拎。Frozen Greek Yogurt in Cup $58- 有得自選3 toppings+ 1 sauce，本來想揀芒果，可惜芒果售罊，於是我哋揀藍莓。另外兩款就揀檸檬芝士蛋糕同海鹽焦糖脆脆，加熱情果汁。揀完先發覺原來我哋都揀咗十大我最喜愛配料。- $58嚟講定價幾高，同朋友一齊share食少少都okay。海鹽焦糖脆脆好香好甜，冇乜鹹味，同酸酸地嘅熱情果汁乳酪雪糕好夾，推介！檸檬芝士蛋糕細細舊得一粒，所以我冇試到。藍莓大大粒都唔錯。整體嚟講呢杯FroYo用嚟打卡喺西貢chill下都唔錯嘅。