小滿定律

喺西貢行到有啲熱，想搵間餐廳坐低休息下，抬頭見到呢間有乳酪雪糕即刻衝入去試！:)舖頭空間唔大，室內只有企位，室外得一張長凳可以坐幾個人。不過天氣熱，有得食雪糕已經好開心～我揀咗杯裝乳酪雪糕，可以自選3款 toppings 同1款醬。揀咗海鹽焦糖脆脆、綠茶糯米糍、咖啡蒟蒻加熱情果醬。海鹽焦糖脆脆好好味，咖啡蒟蒻咖啡味濃郁，綠茶糯米糍相比下就比較普通但都唔錯。乳酪雪糕本身酸甜平衡，配熱情果醬一齊食好清新，真係透心涼！黎開西貢一定要黎試下！…查看更多

#小滿定律 西貢名物!! 假日去真係好多人排隊不過速度好快，大概排左半個鐘左右就可以😚.Menu只有一款希臘乳酪雪糕，但可以揀杯裝或筒裝& Topping。我今次揀咗杯裝（$58），包三款Topping同一個醬：• 海鹽焦糖脆脆：好好食🥹個焦糖做得啱啱好• 咖啡蒟蒻：好濃咖啡味，有少少涼粉feel• 綠茶糯米糍：好煙靭，外面裹滿綠茶粉，超重綠茶味!!• 蜜糖：少少甜再balance番雪糕的酸味雪糕本身酸酸甜甜，唔會太膩，食完一杯仲想再食🥺 好彩冇俾條隊嚇親🥹…查看更多

同法國佬合作既蝴蝶酥 士多啤梨檸檬蛋白脆乳酪雪糕 表面淋上金黃色焦糖漿，賣相雪糕口感幼滑綿密，奶香濃郁之餘又帶點乳酪嘅清爽酸香，食落唔會覺得膩。杯底隱藏咗少量士多啤梨粒，帶出天然果香同微酸感，襯托到雪糕嘅甜味，味道更有層次。檸檬蛋白脆入口清新，微酸中帶脆感，令整體更加平衡。最驚喜係蝴蝶酥，焗得香脆鬆化，牛油香突出，單食已經好味，配埋雪糕一齊食更加加分。整杯甜品由雪糕嘅軟滑、果粒嘅多汁、脆餅嘅鬆脆到蛋白脆嘅酸甜，層次豐富，口感多變。份量適中，一個人食唔會太 heavy，兩個人分享就更加啱做飯後小確幸。…查看更多

入西貢就緊係要湊吓熱鬧，食呢間希臘乳酪雪糕，今次配料揀咗芒果，檸檬蛋白脆同綠茶糯米糍希臘乳酪雪糕配料1. 芒果2. 檸檬蛋白脆3. 綠茶糯米糍醬汁熱情果汁芒果唔會酸，配上淡淡甜味嘅乳酪雪糕好夾，蛋白脆口感輕盈，帶有一點點嘅檸檬香味，同時又無海鹽焦糖脆脆咁甜，而綠茶糯米糍大大粒，煙靭有咬口，不過綠茶味唔算太濃，今次加熱情果汁做醬汁，佢嘅酸酸甜甜令整體味道更有層次不過呢間西貢分店成日都好多人，所以要食都要預咗要排一陣先有得食…查看更多

「小滿定律」嘅乳酪雪糕真係幾正🥄尤其係杯裝可以自選三款toppings加一款醬汁 自由度佢地主打嘅希臘乳酪雪糕口感軟滑 味道唔會過酸我揀咗最多人選擇嘅配料頭三名 · 芒果：香甜又多汁 唔會酸 而且係新鮮現切 份量都唔少· 海鹽焦糖脆脆：呢個係唔少人嘅心水之選✨焦糖味濃郁得嚟又有微微鹹香 口感脆卜卜能增加唔少層次感不過個脆脆好大舊 食完會有啲黐牙如果細舊啲就更好啦· 綠茶糯米糍：鍾意煙韌口感嘅 應該會幾鍾意 綠茶味幾濃 帶微微甘香 唔苦澀 糯米皮Q彈次次做完水上活動之後都想食一杯 感覺特別 refreshing雖然價錢唔算平 但份量足料 兩個人 share 一杯都夠醬汁方面，蜜糖和熱情果醬似乎最多人揀我揀咗蜜糖 不過我覺得有啲太甜了⚠️ 小小要注意· 如果你好怕黐牙 食海鹽焦糖脆脆時可能要多啲水· 西貢店都幾旺場 閒日都可能要排隊 要有少少心理準備…查看更多