西貢街頭越南牛肉粉

營業中

休息中

餐廳：西貢街頭越南牛肉粉地點：灣仔克街菜式：越南菜餐牌：茶市套餐有地道撈檬粉，越式湯粉類，法包，飯類，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。順化香茅牛肉撈檬 $58 另加一順化香茅牛肉撈檬大大碗，有好多牛肉，味道口感都唔錯，幾惹味。伴有生菜，青瓜絲同酸醃紅白蘿蔔絲，中間加左蔥花同花生碎，伴有青檸一件。檬粉係幼身白色，滑溜有口感，可以自己加枱上既魚露，酸酸咪咪夏天食真係最好。會安烤豬頸肉 加$40 另加一呢個會安烤豬頸肉份量係半份，一客六片，伴有酸醃紅白蘿蔔絲，墊有椰菜絲沙律，另上甜酸醬。面頭灑上脆脆。燒得外脆帶少少燶邊，肉質彈牙。鮮牛油果沙冰 加$26 另加一鮮牛油果沙冰大大杯，面頭有兩片鮮牛油果同一片薄荷葉。沙冰打得好滑，味道天然唔甜，飲落有少少冰粒有口感。鮮椰青 凍 $42 另加一鮮椰青好大個，椰汁清甜。入面好多椰肉食。總括而言食物都唔錯，價錢都唔算貴，茶餐份量似正餐。餐廳環境光猛乾净，座位舒服。