Cafe Pawsitive

營業中

休息中

假期間唔中都會去西貢行吓食吓嘢，不過食嚟食去都係近碼頭嗰啲餐廳，今次就行入少少去到海鮮街嘅街尾，見到呢間非常之eye Catching橙色鋪面嘅西餐廳餐廳係Pet Friendly嘅，所以帶寵物嘅人係可以等戶外嘅枱凳，而我就唔使排隊直入室內。叫咗佢個蜆肉配特製喇沙醬汁手工意粉$118一上枱第一嘅感覺係份量比較細，但係食落味道相當出色喇沙汁唔會太鹹，手工意粉夠彈牙，相當掛汁，蜆肉就正正常常。好味指數：🌕🌕🌕🌕🌑另外叫咗個甜品斑斕味雞蛋仔配沖繩海鹽雪糕球$78擺盤相當吸引，斑斕雞蛋仔望落都好綠，以為會好濃味，但可惜斑斕味未夠出，雞蛋仔要加埋雪糕同埋側邊少少配料先好食，呢個價錢嚟講我會食返出面嘅雞蛋仔好味指數：🌕🌕🌑🌑🌑總括嚟講，呢間嘅環境同服務都出色，個人推介食手工意粉。