Beeger

營業中

休息中

西環碼頭日落出名靚，同朋友喺碼頭hea完行過嚟超級無敵近！✨秘製牛油果醬蟹餅漢堡呢間餐廳主打係菠蘿包皮漢堡包，完全唔使加錢真係好正！菠蘿包皮好脆卜卜，而且甜甜地！食嘅時候都唔會太碎開，都食得幾方便！呢個價錢竟然食到蟹餅真係超級抵，蟹肉好多，蟹餅食到一絲絲嘅蟹肉好鮮甜！牛油果🥑都幾新鮮！✨經典手打牛肉漢堡本身佢都會跟埋西生菜做伴碟，夠晒健康！菠蘿包皮同埋啲牛肉都好夾，而且夠晒juicy ! 呢間餐廳都幾有水準諗住下次過嚟食埋其他口味嘅burger！