Beeger

終於試到西環名物˖ 菠蘿包burger♡ 一開始都好奇 點解老闆會揀用菠蘿包? 睇翻佢哋之前做過嘅訪問 原來真係好機緣巧合之下 有一次weekend prep嘅飽唔夠用 臨時去咗附近嘅傳統麵包店買咗菠蘿包嚟試吓 結果變咗做恆常嘅隱藏menu ⋆౨ৎ.❈ THE CLASSIC 經典手打牛肉漢堡| $108 (Rating: 8.5/10)❈ SPICY TOMATO 辣蕃茄手打牛肉漢堡| $118 (Rating: 9/10)❈ CRAB CAKE 秘製牛油果醬蟹餅漢堡 | $108 (Rating: 7.5/10)今次3個burger都揀曬菠蘿包.ᐟ.ᐟ 先講菠蘿包嘅口感經過烘熱之後keep到個外皮香脆✨一開始以為burger再加埋菠蘿包會好濟 反而菠蘿包外皮嘅甜味 可以中和到醬汁同肉嘅鹹香 好加分🍍.再講餡料嘅個人preference ❶ Spicy Tomato: 手打牛肉真係好出色 咬落去會有肉汁爆出嚟 唔係講笑🍅另外抗拒唔到辣嘅嘢 番茄加辣醬呢個combo做配料調味真係好夾🌶️② The Classic: 牛肉一樣咁好食 因為鍾意辣醬多啲 所以排第二❸ Crab Cake: 蟹餅會食到一絲絲蟹肉🦀但係牛油果醬嘅味唔係好出🥑對比另外兩個牛肉burgers之下 整體食落會比較乾.+$30 with combo (Fries and drinks)薯條略為普通☕️飲品可以揀coffee/tea/softdrink.❈ FINGER SNACK PLATTER 小食拼盤 | $98 (Rating: 8/10)包括炸雞翼、炸魚手指、炸薯餅及炸薯條整體唔會話太油 或者炸得太耐🍟但較為普通 不過不失…查看更多

黎到Kennedy Town就試下啲小店啦，隨機見到依間菠蘿漢堡包就即刻黎試試。因為我中意試新奇既野食。同友人叫左兩個lava，我揀左菠蘿包，友人就normal bread，佢就無得揀牛肉熟成程度，不過出到黎效果都好岩我依個牛肉食開5成既人士。整體感覺唔錯，咸中帶甜都幾開胃，配少許沙律菜，材料感覺都新鮮。另外叫多左份薯條with truffle sauce 。薯條係幼身既，同埋炸到好脆，雖然我中意粗身又淋啲既薯條，不過佢依個配埋黑露醬都好match幾好食。價錢我自己就覺得少貴，無野飲埋單$357，份量唔算多，但都值得一試。…查看更多

星期日嚟到西環睇日落，順便喺附近食晚餐。見到呢間漢堡包店用菠蘿包皮做外層，就吸引咗我入去。餐廳主打唔同配搭嘅漢堡包同小食，手打牛肉、羊肉、魚、雞、連蟹餅漢堡包都有！！仲有個漢堡包all day breakfast set🍔 眼闊肚窄好難揀，最後試咗手打牛肉漢堡包同羊肉漢堡包，加配黑松露薯條同Mango Beer🍻經典手打牛肉漢堡（轉菠蘿包皮）$108經典手打羊肉漢堡（轉菠蘿包皮）$118一上枱已經覺得賣相好吸引！菠蘿包皮甜甜地好好食，意外地夾！！麵包軟熟微脆，大量生菜配埋蕃茄紫洋蔥同車打芝士。兩款肉都好Juice幾厚身，肉味濃，系會回頭既Burger店呀🤤 份量都幾足👍🏻 見到隔籬枱嗌雞肉，塊雞肉勁厚身望到都juice😹😹炸薯條$58 + 黑松露醬$10熱辣辣好脆口，黑松露醬本人覺得唔夠濃郁。Mango Beer一啲都唔鍾意飲啤酒既我覺得呢個Mango Beer係我飲過最好飲嘅啤酒😹 當然唔重酒味係淡淡既芒果味。超級適合女士。…查看更多

最近經常喺堅尼地城出沒嘅我，梗係要搵吓有乜特別嘢食啦☺️  發掘到呢間漢堡包店，評價同位置好似都幾出色點餐時店員介紹，漢堡包皮仲可以轉做我最鍾意嘅菠蘿包😏  開心！🍔水牛芝士珍寶蘑菇漢堡🍔雖然都好想試吓牛肉漢堡，不過今日想食清淡啲，所以簡咗蘑菇。上枱嘅時候菠蘿包，香噴噴個皮脆卜卜！配搭水牛芝士同埋啖啖大蘑菇，食材新鮮🥬 配搭好味👍🏻下次會再嚟幫襯，試吓羊肉漢堡同埋牛肉漢堡，睇吓係咪一樣咁出色🥰…查看更多

經典手打羊肉漢堡 (轉菠蘿包) $118小編很喜歡菠蘿包這個隱藏菜式😍😍😍！小店提供的菠蘿包比一般麵包舖內售賣的，會相較硬身少少🤏，表面糖皮亦會脆身少少，配漢堡能增添脆口感覺及少少甜味，簡單一流😋😋😋。羊肉漢堡的肉汁滴/滲到麵包上亦不會令麵包變得過腍👍🏻。羊肉漢堡並沒有羊的臊味，食落跟牛肉漢堡有點相似，相信怕羊臊味的朋友亦能接受😉。反而鍾意食羊嘅小編反而覺得唔夠臊味😛（五星係俾菠蘿包嘅🤭）煙三文魚釀珍寶蘑菇漢堡 $98這個菜式我們並沒有轉菠蘿包，試試原配的麵包。麵包軟熟，加牛油烘底，少少脆口，正常發揮，唔錯嘅。煙三文魚的放置方式與我們預期的不一樣。我們預期原片煙三文魚夾於漢堡中間；而此菜式呈現的是把珍寶蘑菇🍄‍🟫反轉，並於其凹陷處放置已經調好味道的煙三文魚碎。雖然驟眼睇煙三文魚的份量不多，可是入口時煙三文魚的香氣十分濃烈，配以珍寶蘑菇的Juicy💦整個漢堡相對於以上的羊肉漢堡較清新不油膩👍🏻👍🏻👍🏻Mocktail - Virgin mojito $50杯內有大量薄荷葉以及青檸，兩者加埋梳打水的氣泡🫧，簡直Fresh上加Fresh，配埋漢堡一齊食好夾🥰結論小編喜歡菠蘿包多於普通漢堡包，用菠蘿包來做西式漢堡有點中西合璧的感覺，可不止是gimmick，而是味道、口感上都合襯。而且轉菠蘿包不用額外收費喔🤭🫶🏻。創意 & 味道都💯…查看更多