德利潮州菜館

營業中

休息中

今晚好想食打冷，因為前排成日食扒😋又係西環果頭，即打比食開好西朋友，就黎左哩間。間店位置都係住宅同海味店區內，所以附近好多店關門同冇乜人。唔算係晚市旺區，店內十枱有九枱都係熟客，仲要係爆滿果隻。😋韮菜豬紅$60: 打冷必食，哩個汁無得頂，食晒都唔比亞姐收走，仲要愛黎點汁食其他野。豬紅好大舊唔會淋patpat，爽口。韮菜唔會好老，讚👍🏻😋滷水三拼 $90:生腸/鵝腸/墨魚墨魚又係必食既打冷食物，不過哩個就好失望，個汁無乜味超淡，墨魚切得太薄冇乜口感，但係爽口既。鵝腸生腸我都唔食既，但個汁咁淡應該都一般。😋香葉炒箔殼$128哩味係食開好西朋友介紹，我完全未聽過哩種食物，我好奇上網查下，原來係寫法係「薄殼」，潮洲出名食物，好細粒既好似蜆仔咁 應該似送酒食物。但食落係好淋唔似蜆仔既煙韌。味道好有筍果陣怪味，所以唔係我杯茶。同埋屬寒涼食物，都唔多岩我。😋蝦棗 （搵唔到幾錢）哩味又係食開好西朋友介紹，餐牌冇，推介貼又冇，但老細又知係咩。原來係蝦膠整成一條條，仲有個汁配埋，係超好食。我食左七成。個汁仲以為係蜜糖水，原來老闆娘話係桔油，我冇聽錯的話😂但好配個蝦棗，蝦既成份都佔好多，好爽口，炸得黎唔會好