影片
更多
2021-09-23
285 瀏覽
幸福單品咖啡 幸福單品咖啡位於西營盤正街入面嘅屋苑平台。老闆娘阿田(唔係Edan )曾經喺台灣開過咖啡店，覺得香港人生活太快，黎到香港之後決定又開間咖啡店，打造一個幽靜嘅環境，受附近居民歡迎。餐廳主打多款爆饀三文治，同多款來至世界各地嘅精品咖啡。 當日去到，見到店舖環境真係好細。得一個台灣人一手包辦。客人都好似同老闆都好熟咁，feel 都好溫馨嘅感覺，好似嗰D街坊餐廳咁。 真幸福三文治$60 份量真係非常幸福，非常之巨大。入面嘅配料其實好簡單，有餐肉，炒蛋，芝士，生菜，吞拿魚沙律。 點解個包旁邊有張廚房紙呢?是關老闆同我互相誤會咗我叫咗外賣，所以用咗兩張廚房紙包著，同埋本身應該係切成三角形嘅，但是但啦。 麵包原來係麥包黎嘅。兩片嘅size 都非常之厚，兩塊加埋仲厚過西多士。多士並有再牛油烘過。麵包好重麥香，牛油味亦都突出。口感偏實，但可惜皮有少少硬，有D難咬，建議可以切薄D。 炒蛋炒得幾好，仲少少蛋汁，調味亦都調中。入面有D黑芝麻，黑芝麻嘅香氣非常突出，添加咗層口感，估唔到黑芝麻同蛋係咁搭嘅。 午餐肉，味道大家都知啦唔多講啦，有輕微烘過。芝士應該係mozzarella 黎嘅，不過就未夠
幸福單品咖啡位於西營盤正街入面嘅屋苑平台。老闆娘阿田(唔係Edan )曾經喺台灣開過咖啡店，覺得香港人生活太快，黎到香港之後決定又開間咖啡店，打造一個幽靜嘅環境，受附近居民歡迎。
餐廳主打多款爆饀三文治，同多款來至世界各地嘅精品咖啡。
當日去到，見到店舖環境真係好細。得一個台灣人一手包辦。客人都好似同老闆都好熟咁，feel 都好溫馨嘅感覺，好似嗰D街坊餐廳咁。
真幸福三文治$60
份量真係非常幸福，非常之巨大。入面嘅配料其實好簡單，有餐肉，炒蛋，芝士，生菜，吞拿魚沙律。
點解個包旁邊有張廚房紙呢?是關老闆同我互相誤會咗我叫咗外賣，所以用咗兩張廚房紙包著，同埋本身應該係切成三角形嘅，但是但啦。
麵包原來係麥包黎嘅。兩片嘅size 都非常之厚，兩塊加埋仲厚過西多士。多士並有再牛油烘過。麵包好重麥香，牛油味亦都突出。口感偏實，但可惜皮有少少硬，有D難咬，建議可以切薄D。
炒蛋炒得幾好，仲少少蛋汁，調味亦都調中。入面有D黑芝麻，黑芝麻嘅香氣非常突出，添加咗層口感，估唔到黑芝麻同蛋係咁搭嘅。
午餐肉，味道大家都知啦唔多講啦，有輕微烘過。芝士應該係mozzarella 黎嘅，不過就未夠溶，呢個就差D啦。生菜有用黑椒調味，口感非常之爽脆，鮮甜。但本身係配角嘅生茶好似變咗做主角咁。
吞拿魚沙律，入口唔乾，唔會係一舊舊咁，但海水味有D太重，希望沙律醬嘅味道更加突出。
整體黎講都值得一試嘅，食完之後其實好飽吓，西環黎講，cp 值都幾高吓。
真.幸福三文治
$60
108 瀏覽
0 讚好
0 留言
張貼
