Vie Won Won (已結業)

今日嚟到香港大學站附近食晚餐，呢間餐廳門口睇落似間Cafe～ 原來裏面別有洞天，樓梯轉角位行咗好多復古風格嘅掛畫～ 樓上燈光好有氣氛，枱面放咗蠟燭，深木色家具配上花紋瓷磚枱面同馬賽克吊燈，充滿古典風格～蟹膏蟹肉燉飯 $198蟹膏香味超級濃郁，配上淡淡鮮甜嘅蟹肉，味道夠「鮮」夠「蟹」～意大利飯煮得啱啱好，好有咬口，醬汁香濃Creamy但唔會遮蓋蟹肉嘅鮮味，蟹迷一定唔可以錯過～龍蝦沾麵 $218賣相好吸睛，龍蝦肉爽口彈牙，焗到好香～ 沾麵好掛汁，每一啖都充滿香濃嘅龍蝦汁～ 西式煮法配上日式沾麵幾特別～ 份量比較輕量，適合細食嘅人士～花生香蕉奶昔 $56質感Creamy幼滑，奶香味濃郁，中間有啖啖香蕉香氣同花生醬的鹹甜香，估唔到花生醬同香蕉係咁夾，配埋焦糖脆皮香蕉好正熱帶雨林 $58由菠蘿，檸檬，熱情果打成嘅沙冰，清新開胃，味道酸酸甜甜，消暑一流～鹹蛋黃脆片附送的餐前小食，鹹蛋黃味甘香濃郁又唔會太油膩，脆脆好香口，作為餐前開胃小食一流～整體食物質素高質，環境好有特色氣氛，服務態度親切友善，地點方便。