博多拉麵-火之鳥 (已搬遷) 新店位置

夜晚既西環好平靜，因為唔係遊客區，D餐廳都比較平民化。我地係香港大學站出口出發，沿住皇后大道西向西行，想搵下睇下有咩好食。來回都行左一次，到最後決定入黎呢間食拉麵。女朋友叫左碗赤香辛豚骨湯拉麵，我就叫左香黑豚骨湯拉麵，2碗都係佢地店鋪推介的。赤香辛豚骨湯拉麵唔算太辣，對我女朋友黎講啱啱好。我叫既香黑豚骨湯拉麵，湯底幾香，唔會太鹹。鍾意淡D，唔鍾意出面有名既拉麵太鹹既朋友仔應該會鍾意呢個湯底。叉燒略嫌實肉既地方有點韌。價錢叫過得去，西環黎講唔算太平。