相馬日式火鍋 (已結業)

上星期同朋友去咗西環打卡，影完相都就快天黑，順便睇吓西環有咩好嘢食🤤‪！最後喺OpenRice發現相馬日式火鍋店，佢就係我哋最後嘅美味晚餐！‬今次想分享嘅呢個套餐就係💞相馬火鍋放題多部曲！我覺得都幾豐富嘅一個套餐💖因為好多唔同嘅食法！我哋會食咗個茶碗蒸先，跟住就開始食個惹味雞煲 ，雞煲有得自己揀辣度，非常之弱雞嘅我哋就叫咗小辣🤣但都幾滋味！然後就都非常之吸引嘅花膠雞湯，湯底真係好濃郁，仲有大大塊花膠添！跟住就到好香蒜蓉味嘅蒸海鮮，仲會加咗我好鍾意食嘅粉絲，掂哂！仲有得任食自助火鍋，我最推介係食牛肩胛、優質豚肉同埋雞腿肉！呢啲咁高質嘅肉類都係任食！跟住仲會有其他任食海鮮🦞成個套餐真係好豐富！呢度都有好多唔同嘅串燒、炸物，我覺得佢哋嘅串燒都幾Juicy同燒得好均勻！食到飽飽哋仲可以拎返條雪條同埋飲品爽一爽💯呢個真係一個非常之圓滿嘅套餐啊💞