Noc Noc

營業中

休息中

今次去左大埔轉角嘅鋪頭nocnoc食野，首先一入去鋪面唔算特別大，食飯戈時雖然唔算係繁忙時間但係都差唔都坐滿哂人。坐左喺一邊嘅卡位，鋪頭仲有吧枱。燈光偏昏暗，店內又有播音樂，幾適合一班人食野，飲酒，傾計，因為製作需時，上菜需要一段時間。服務都好好，見唔少客人同店員有傾有講。原本唸住叫南瓜青口元貝意大利飯，可惜當日已經賣哂，所以轉左叫西班牙海鮮燴飯海鮮有青口，魷魚，蝦，蜆等等。海鮮都幾鮮甜，亦唔會好韌，蜆咬落都冇沙，整得幾乾淨，份量仲唔少。加上燴飯嘅部份做得幾好，汁夠濃，但唔會太結，亦都好香，飯粒外面同裹面嘅軟硬度一致，汁同飯份量配搭剛好，值得一讚。野飲就叫左一杯熱Mocha(朱古力咖啡)，有好香濃嘅朱古力味，夠滑。