影片
更多
2009-03-31
167 瀏覽
30-3-2009忙了成個早上, 2:30pm 餓得發慌, 同埋朋友 S 落0黎食個 late lunch, 求其入了呢間「住家」店叫兩個米線餐 (跟小食及飲品, 好似 $32 each) share 食試試.先0黎飲品「熱洛神花蜜」: 賣相呈淡粉紅色, 飲落味道有 d 似無花果蜜, 但就先清甜後帶點酸澀, 個人而言唔太喜歡. 早知穩陣一點飲柑桔蜜算數!米線 #1 係「醉雞杞子魚湯米線」: 湯底頗鹹, 可幸唔算太 MSG, 但面頭蒜茸落得極重手, 味道勁搶, 真係飲唔出係「魚湯」喎; 醉雞唔「醉」, 肉就幾腍, 不過不論賣相質感及味道都似豬肉多 d, 感覺怪怪的; 米線就十分煙韌爽口, 意料之外!米線 #2 係唔記得乜名的肥牛魚湯米線: 米線一樣爽口, 湯底就無 #1 咁鹹, 不過仍然唔多覺係「魚湯」, 真奇怪?「肥牛」就其實係茶餐廳的「滑牛」, 腍腍的但質感好「膠」, 真係... 小食 #1 係炸雞翼, 脆口無油, 肉亦嫩, 幾好食.小食 #2 就係蠔油菜心, 清清腍腍, 都幾難唔好食?門口幾骨緻, 入面環境就有點似新式火鍋店的縮水版, 乾淨企理但卡位勁窄 @_@" 店員們
忙了成個早上, 2:30pm 餓得發慌, 同埋朋友 S 落0黎食個 late lunch, 求其入了呢間「住家」店叫兩個米線餐 (跟小食及飲品, 好似 $32 each) share 食試試.
先0黎飲品「熱洛神花蜜」: 賣相呈淡粉紅色, 飲落味道有 d 似無花果蜜, 但就先清甜後帶點酸澀, 個人而言唔太喜歡. 早知穩陣一點飲柑桔蜜算數!
米線 #1 係「醉雞杞子魚湯米線」: 湯底頗鹹, 可幸唔算太 MSG, 但面頭蒜茸落得極重手, 味道勁搶, 真係飲唔出係「魚湯」喎; 醉雞唔「醉」, 肉就幾腍, 不過不論賣相質感及味道都似豬肉多 d, 感覺怪怪的; 米線就十分煙韌爽口, 意料之外!
米線 #2 係唔記得乜名的肥牛魚湯米線: 米線一樣爽口, 湯底就無 #1 咁鹹, 不過仍然唔多覺係「魚湯」, 真奇怪?「肥牛」就其實係茶餐廳的「滑牛」, 腍腍的但質感好「膠」, 真係...
小食 #1 係炸雞翼, 脆口無油, 肉亦嫩, 幾好食.
小食 #2 就係蠔油菜心, 清清腍腍, 都幾難唔好食?
門口幾骨緻, 入面環境就有點似新式火鍋店的縮水版, 乾淨企理但卡位勁窄 @_@" 店員們態度殷勤, 招呼不錯.
埋單每人 $35, 可以一試.
P.S. 是日相機無電 -_-", 下次 (?) 再分享過啦.
張貼