影片
營業時間
今日營業
11:00 - 15:00
18:00 - 22:00
星期一至日
11:00 - 15:00
18:00 - 22:00
*最後落單時間: 14:20; 21:15
以上資料只供參考, 請與餐廳確認詳情
招牌菜
我本身係南區住嘅，有一日喺街見到朋友，佢同我講友膳坊係一間值得一試嘅餐廳，味道好，餸菜仲係好有家庭feel添，我就去試，入到餐廳，雖然地方唔係好大，不過設備都好齊全，服務員嘅態度亦好好，雖然佢好忙，不過我問嘅嘢，佢都好有禮貌，好有耐性咁解答咗我嘅問題，我去之前，喉嚨係有啲痕同埋乾涸，服務員推介咗我飲一款湯叫做橄欖老火湯，飲完之後，第日就冇晒痕同埋痛啦👍🏿👍🏿👍🏿，我而家都會去幫襯㗎，我都有介紹俾我啲friend㗎。
繼續閱讀
好好食，係我食過呢一區最好食嘅中菜。個湯又好好飲🤍 啲食物新鮮，味道100分。佢個廚房真係勁。（但最好唔好叫$69外賣果啲餐，不好吃的，要叫$8x果啲小菜）所有野都好好，只不過係貴😆 3個人食嘅話，$3xx走唔甩。以為跟餐包埋飯+湯。其實是沒有的，湯一碗$3x ，一盅嘅話$79，白飯跟餐只係半價，正價$15🤥 好少有套餐無白飯送，亦好少有飯要成$15一個。如果平番少少，我會增加我嚟幫襯嘅次數。希望可以平番啲❕🙂↕️
繼續閱讀
不嬲已經好鍾意食佢呢度嘅土魷蒸肉餅，好夠味之餘食得出唔係味精…今日試咗佢嘅兩個午餐:1. 蕃茄牛肉炒蛋超級好餸飯，食落口真係屋企嘅感覺，唔會加好多芡汁，好夠味又唔會過酸，我最驚就係蕃茄蛋唔夠甜味，佢呢度甜到啱啱好，真係食幾碗白飯都冇難度😍仲加咗洋蔥，增加口感❤️2. 勝瓜，雞肉泡飯呢個湯頭飲完一啖之後真係想成碗湯飲晒佢，但係都係要慢慢嚟，因為要送飯😌職員非常友善，好有一種街坊倫理守望相助，好有禮貌互相關心嗰種溫度…如果喺出面食飯，想食阿媽整出嚟嘅嘢嗰種感覺 (手勢好，識煮嘢食嗰種媽媽) 呢度真係西區不二之選😋#高度推介#一吃再吃
繼續閱讀
2023年3月18日，今天去行山，由山頂行落去西營盤，到了皇后大道西，見到一間英文叫Jesus Loves You的食館，中文叫友膳方，主打“媽媽靚湯，家的味道”，很有意思，決定入去嘗試。點了咕嚕肉，東菇蒸肉餅，兩個媽咪靚湯。湯沒有味精不太咸，很好味，兩個家常餸也很不錯，今天已不容易找一間有heart又不下 “師父”的食館了。有時去離島或港島走走逛逛也沒有什麼好地方吃飯，現在有了一個很好的去處了。這間食館的返來再吃的指數是100%
繼續閱讀
來過幾次貴店，員工服務有禮貌，地方坐得舒服，店內主打無味精湯和飯菜，真是好好食啊😋…叫左粟米脆脆魚&咸蛋蒸肉餅&蕃茄雞蛋炒牛肉一定會有下次啊，下次都要試其他餸菜啊！
繼續閱讀