影片
更多
2024-02-19
642 瀏覽
一向西營盤都唔少咖啡店☕️，應該講條條街都數埋十間八間，仲旺過便利店！由其呢一兩年，真係越嚟越多！今次想講嘅呢間，幾好夠簡約，就咁睇外表都唔覺似咖啡店，店舖位於西營盤地鐵站B3出口附近，不過佢位置一啲都唔難搵，正正係電車路，都幾方便！呢間咖啡店有別於其他，因為比較細！店內都係得細細嘅2-3張枱仔，容納嘅人數埋都應該唔夠10個！不過住附近嘅我，經過都係買杯外賣飲！賣外賣嘅位置就係我比較欣賞嘅地方，好似外國嘅drive thru，細細嘅窗口仔order，不過又唔好睇佢間舖仔細細，店員都好熱情㗎！好細心去問你嘅喜好，又介紹邊款咖啡豆煮出嚟啱唔啱口味！咁我哋就order咗一杯mocha同long black！個人喜好比較fruity，咁佢哋就介紹俾我揀邊款咖啡豆！而另一杯long black就想試試Nutty口感！老實講，佢哋沖製嘅咖啡真係幾香，口感好啱自己口味！有時間經過值得一試！環境：⭐️⭐️⭐️服務：⭐️⭐️⭐️⭐️⭐️乾淨：⭐️⭐️⭐️⭐️⭐️價格：⭐️⭐️⭐️⭐️
今次想講嘅呢間，幾好夠簡約，就咁睇外表都唔覺似咖啡店，店舖位於西營盤地鐵站B3出口附近，不過佢位置一啲都唔難搵，正正係電車路，都幾方便！
呢間咖啡店有別於其他，因為比較細！店內都係得細細嘅2-3張枱仔，容納嘅人數埋都應該唔夠10個！
不過住附近嘅我，經過都係買杯外賣飲！賣外賣嘅位置就係我比較欣賞嘅地方，好似外國嘅drive thru，細細嘅窗口仔order，不過又唔好睇佢間舖仔細細，店員都好熱情㗎！好細心去問你嘅喜好，又介紹邊款咖啡豆煮出嚟啱唔啱口味！
咁我哋就order咗一杯mocha同long black！個人喜好比較fruity，咁佢哋就介紹俾我揀邊款咖啡豆！而另一杯long black就想試試Nutty口感！老實講，佢哋沖製嘅咖啡真係幾香，口感好啱自己口味！有時間經過值得一試！
Mocha & long black
7 瀏覽
0 讚好
0 留言
環境：⭐️⭐️⭐️
服務：⭐️⭐️⭐️⭐️⭐️
乾淨：⭐️⭐️⭐️⭐️⭐️
價格：⭐️⭐️⭐️⭐️
張貼
