Tropica

營業中

休息中

同好友相見，兩個港島人兩個啡友喺西營盤搵左間幾得意嘅Cafe落腳食下嘢傾吓偈😆 水泥風格 又係花店嘅一間Cafe 仲要店後隱藏咗個窯😆做陶瓷嘅工作室～嘢食幾特別 咖啡有好多唔同選擇，虹吸式咖啡連處理法都有寫埋😆而夜晚依度仲會變身做酒吧可以飲兩杯添～酸種馬格莉薄餅，以包底代替傳統薄餅底質感軟熟配上香草、芝士同酸甜感車厘茄幾有口感又開胃。忌廉煙三文魚意粉,入口順滑,扁身意粉軟硬適中配埋忌廉汁同煙三文魚一齊食味道不錯👍☕️Flat White & Cappuccino 都香氣十足，飲落口感棉滑豆味幾特別。位置雖然不多 ，如果只係想嘆啡建議可以坐bar枱位置可以睇埋點整個虹吸式咖啡，話晒店內咖啡師曾獲「2017年香港虹吸式咖啡師大賽」亞軍值得品嘗同觀摩一下😆而門口位都幾靚可以打下卡添。