影片
更多
2025-05-03
7 瀏覽
今晚去咗西營盤一間有情調嘅西餐小店「兄弟姊妹」。餐廳播住relax嘅音樂，以藍白色作為裝修主調。先嚟一個香煎大蝦（$95），爽口彈牙嘅大蝦配上惹味嘅蒜蓉辣椒蕃茄醬汁，好惹味。呢個前菜仲配埋兩塊蒜蓉包，用嚟點埋個汁食就啱晒。主菜係香煎盲曹魚（$135）。魚肉多汁又嫩滑。魚肉配埋佢個牛油檸檬汁，味道清新。要讚呢個主菜有好多配菜，包括西蘭花苗，紅蘿蔔，車厘茄，豆角同埋翠玉瓜。新鮮嘅蔬菜煎過之後更加香甜。意大利飯軟硬適中。煙三文魚係叫任何主菜+$30就可以有。呢$30絕對抵比，有5塊煙三文魚片。魚片煙熏味濃帶油潤感。我哋仲嗌咗個辣肉腸芝士薄餅（$120）。芝士份量勁多。辣肉腸嘅鹹香味同芝士好夾。飲品我哋叫咗lemon squash 同埋cranberry soda. 夠晒解渴。
今晚去咗西營盤一間有情調嘅西餐小店「兄弟姊妹」。餐廳播住relax嘅音樂，以藍白色作為裝修主調。
先嚟一個香煎大蝦（$95），爽口彈牙嘅大蝦配上惹味嘅蒜蓉辣椒蕃茄醬汁，好惹味。呢個前菜仲配埋兩塊蒜蓉包，用嚟點埋個汁食就啱晒。
主菜係香煎盲曹魚（$135）。魚肉多汁又嫩滑。魚肉配埋佢個牛油檸檬汁，味道清新。要讚呢個主菜有好多配菜，包括西蘭花苗，紅蘿蔔，車厘茄，豆角同埋翠玉瓜。新鮮嘅蔬菜煎過之後更加香甜。意大利飯軟硬適中。
煙三文魚係叫任何主菜+$30就可以有。呢$30絕對抵比，有5塊煙三文魚片。魚片煙熏味濃帶油潤感。
我哋仲嗌咗個辣肉腸芝士薄餅（$120）。芝士份量勁多。辣肉腸嘅鹹香味同芝士好夾。
飲品我哋叫咗lemon squash 同埋cranberry soda. 夠晒解渴。
張貼
