洋食商店 (利奧坊)

營業中

休息中

今晚好友帶我去一間她十分喜愛的西日居酒屋，餐廳將西式同日式料理fusion得恰到好處，挺有驚喜。和牛壽喜燒黑松露燉飯二人套餐，用咗岩手縣同澳洲和牛西冷，肉質嫩滑得來入口即化，配上濃郁的壽喜燒汁，美味可口。吃完壽喜燒之後店員幫忙整黑松露燉飯，飯粒吸收咗黑松露忌廉，令到口感軟滑，亦吸收了壽喜燒嘅甜鹹精華，香氣撲鼻之餘每一口都creamy 軟轜，令人食指大動。關東煮湯底清而不淡，蘿蔔同魚蛋入味到一個點，暖胃又暖心。唐揚爆谷雞口感外脆內嫩，咬落去「卡滋卡滋」，份量多到同朋友share都夠晒滿足。燒和牛牛舌又係另一個亮點，烤得香氣四溢，肉質彈牙，點少少自家製辣醬，令整體味道提升不少。雪糕梳打清新解膩，氣泡同冰涼嘅感覺好refreshing菠蘿水果茶帶點熱帶風情，酸甜平衡。整體來講，餐廳無論食物定氣氛都好有心思，係一個同朋友chill食飯嘅好地方。