SENSU (新城市廣場三期) (已結業)

行街行到攰攰地，肚仔又餓餓地，就揀咗這間睇落舒適嘅Cafe坐底食啲嘢。叫咗一個原條蒲燒鰻魚旋風蛋包飯，本身以為佢得個樣，但入口味道比想像中好，原粒珍珠飯配上鰻魚燒汁好好食，面頭嘅蛋都好滑，唯一美中不足係條鰻魚燒得唔夠鬆軟，有少少硬。仲有和風照燒安格斯牛肉奶油多士，安格斯牛肉分量十足，每一啖都有滿滿嘅肉，滿足晒我地尼種食肉獸。如果想味道再濃d，你可以另外淋上燒汁，但我覺得本身未到已經非常足夠，好食！另外叫咗兩杯飲品，都幾特別，先不論味道，至少佢唔係出邊餐廳成日見到嘅飲品配搭，值得一試。