卜卜餃子店

營業中

休息中

幸得為食朋友推介，我先至知道西九龍中心原來有間好味嘅外賣餃子店～卜卜餃子店位於西九龍蘋果商場的九樓，而非餐廳或食店最多嘅五樓同七樓，星期日到訪人流亦不算多，所以要喺呢度介紹下畀人知～～生餃子有不同葷食口味包括：韭菜豚肉餃、西洋菜豚肉餃、泡菜豚肉餃、白菜豚肉餃、香蔥豚肉餃，亦有麻辣和素食口味包括：麻辣旺菜豚肉餃、麻辣芫荽豚肉餃、椰菜木耳素肉餃，亦有雙拼、三拼甚至四拼餃子，可以一次過試晒多個口味。店鋪官網介紹餡料係每朝早新鮮醃製，選用本地新鮮黑豚肉，而當中最吸引我嘅就係佢哋選用九成瘦肉，因為多數餃子採用脂肪含量較高嘅豬肉餡料，令餃子擠身高卡路里食物行列，我亦對此一直有所避忌，不敢多吃葷食餃子。不過呢度嘅餃子就可以放心食多少少啦～雙拼豚肉餃（韭菜＋芫荽）（$44）每包餃子有12隻，售價中規中矩。餃子皮厚實不易散，食落好香韭菜同芫荽味。麻辣旺菜豚肉餃（$42）因為我好鍾意食芫荽，所以起初係揀麻辣芫荽豚肉餃，不過在場員工建議我試唔辣嘅芫荽豚肉餃，芫荽味道會比較出，所以我改試呢個口味，估唔到食落有驚喜！非常香麻辣味，辣度適合不太食得辣嘅朋友，非常過癮。