北京老家 (已結業)

年初四，約咗幾個朋友出嚟團拜，去咗河內道嘅北京老家度食。新年驚人多，所以過年前就已經打電話嚟訂枱，所以一上到嚟就有枱。一出電梯就好似去咗北京咁，裝修古色古香。有啲枱嘅枱面下面養咗一盤金魚，一路食一路望住啲魚游水都幾得意。講返叫餸，過年有啲套餐，我哋叫咗個二人餐然後再加餸。套餐有雞絲粉皮拼海蜇手拍青瓜，酸辣湯，糖醋魚片同干焗四季豆，仲有兩粒小籠包，唔知係咪肚餓，所以呢幾樣餸都好好食。之後加咗蔥爆羊肉，北京爆炒麵同埋麻辣肚絲，呢三碟質素就比較差啲。見差唔多飽，就叫咗個高力豆沙做甜品，呢個高力豆沙都係麻麻地，因為啲蛋白好實。整體嚟講比我預期中差，未必會再嚟食。