百樂潮州酒家

營業中

休息中

放假去左銅鑼灣飲茶，享受下悠閒嘅下午，聽人推薦去咗時代廣場嘅百樂潮州。先嚟嘅係蘿蔔糕 ，睇得出佢好足料，咬落口感結實，而且煎到啱啱好，少少香口又唔會燶。然後叫咗杏汁燉白肺湯，豬肺湯自己整嘅話太麻煩，最適合就喺街外食。飲落去非常清甜，淡淡嘅杏汁味，甜得 唔會太搶，而且有大大塊肺片。飲茶當然要食燒賣，燒賣豬肉味濃，仲有原隻蝦同大大粒冬菇，絕對係誠意之作。之後嚟嘅係椒鹽九肚魚，炸到金黃色，魚肉軟熟滑嫩又唔會太多骨。最後叫咗糯米卷，本身擔心兩個人食會唔會太多，不過分量適中，兩三啖食得曬一個，而且皮好甜。最令我留下印象嘅係呢度嘅裝修好靚，有啲舞廳嘅感覺，非常懷舊復古，坐得好舒適。