影片
更多
2024-10-23
2034 瀏覽
正日生日，看到有優惠即管試下，看到標題係咁話自己係米之蓮三星，用餐後覺得一星還不到😩，為了其他人不再受騙，決定寫下這篇食評😌首先一入門口，已經俾餐廳嘅佈置嚇一嚇，全部都係Halloween嘅佈置，之後坐定咗，見到原來係一間酒吧，仲要係門口大開對街，一啲privacy都冇，迷之蓮三星嘅餐廳怎會如此🤦🏻♀️講返食物，我哋preorder咗8道菜套餐，套餐頭盤生蠔6隻加一蚊再送多兩隻，梗係加多一蚊啦，生蠔送上時都嚇咗一嚇，因為每隻都好似手掌咁大隻，睇落好似好正，點知食落唔夠凍同冇海水味，實在太失望，原本order咗白酒送生蠔，食咗兩隻生蠔白酒都未到，唯有催一催伙記，冇錯，佢哋真係似伙記多過侍應，催咗幾次，最終我哋問杯白酒幾時到，伙記解釋話因為搵緊開瓶器，所以遲咗😱，聽完覺得好匪夷所思，一間餐廳連開瓶器都冇😳第一度菜上澳洲小龍蝦刺身，擺盤都唔錯，有啲吸睛，個sauce食落酸酸甜甜好醒胃，但係食個片龍蝦刺身就出事，唔夠凍、唔夠爽身、冇刺身嘅甜味😔第二度菜法國傳統焦糖燉蛋鵝肝一上來看到係一個似蛋撻嘅物體，但係上面冇焦糖，仲要個撻係微暖，叫伙記來問下，佢哋話唔可以熱食，因為鵝肝會溶😳，咁嘅解釋我都係
首先一入門口，已經俾餐廳嘅佈置嚇一嚇，全部都係Halloween嘅佈置，之後坐定咗，見到原來係一間酒吧，仲要係門口大開對街，一啲privacy都冇，迷之蓮三星嘅餐廳怎會如此🤦🏻♀️
講返食物，我哋preorder咗8道菜套餐，套餐頭盤生蠔6隻加一蚊再送多兩隻，梗係加多一蚊啦，生蠔送上時都嚇咗一嚇，因為每隻都好似手掌咁大隻，睇落好似好正，點知食落唔夠凍同冇海水味，實在太失望，原本order咗白酒送生蠔，食咗兩隻生蠔白酒都未到，唯有催一催伙記，冇錯，佢哋真係似伙記多過侍應，催咗幾次，最終我哋問杯白酒幾時到，伙記解釋話因為搵緊開瓶器，所以遲咗😱，聽完覺得好匪夷所思，一間餐廳連開瓶器都冇😳
第一度菜上澳洲小龍蝦刺身，擺盤都唔錯，有啲吸睛，個sauce食落酸酸甜甜好醒胃，但係食個片龍蝦刺身就出事，唔夠凍、唔夠爽身、冇刺身嘅甜味😔
第二度菜法國傳統焦糖燉蛋鵝肝
一上來看到係一個似蛋撻嘅物體，但係上面冇焦糖，仲要個撻係微暖，叫伙記來問下，佢哋話唔可以熱食，因為鵝肝會溶😳，咁嘅解釋我都係第一次聽，咁上面個焦糖又去咗邊？呃我未食過crème brûlée 🤪
第三度菜炸法國康提芝士軟殼龍蝦沙律
上菜時伙記話係軟殼蟹，我話唔係龍蝦咩，當時質疑自己係咪記錯，食落真係龍蝦，唔係軟殼蟹😩，呢個菜係熱葷喇啩，點知都係唔熱囉，頂多係微暖⋯⋯
第四度菜法式傳統澳洲龍蝦湯
個湯都係暖的，無溫度，無包送，無威士忌味，好似罐頭湯啊😭
第五度煙燻原隻澳洲龍蝦
上菜都好professional，在你面前打開玻璃罩，煙霧即出，有啲睇頭，但係點解冇煙燻味😷，仲有，隻龍蝦只有兩隻手指加埋咁大，乜有龍蝦咁細隻嘅🥴
第六度三選一，我哋揀咗韓牛牛肋骨同方頭魚
韓牛，超級勁難食，似係落咗梳打粉醃嘅牛肉，完全冇牛嘅Texture，味道仲好差🤮
方頭魚都好少少，豎鱗做得唔錯，好脆脆，但係都係冇魚味🥴
第七度塔斯曼尼亞海膽帶子薏米飯
伙記送上龍蝦薏米飯，我哋影完相之後，伙記話等等，原來係上錯，個飯係隔離枱嘅😵💫，之後隨即送返去隔籬枱，碟餸如果係我嘅我一定唔會要囉🤢，之後上返啱個海膽薏米飯，我哋食咗幾啖，都唔差，但係一食個海膽就出事，個海膽係臭的，仲有苦味，吐都吐唔切，唉，失望到我哋連叫個伙計換都唔想🥴
第八度龍蝦柚子雪葩
呢道菜叫正正常常，但只可以叫一般，沒有驚喜，甜品嚟講只可以叫合格😮💨
原價每人$1388，經kkday有七折，連酒水埋單total $2000
咁嘅價錢我一定永不回頭，浪費金錢同時間，超級勁失望的一餐，如果你哋想試吓我講嘅嘢真唔真，又有好多錢唔怕嘥，都可以試吓嘅，我真心希望你哋唔好俾佢呃囉。
張貼
