Catio

營業中

休息中

朋友最近壓力好大，帶佢黎呢間貓貓Cafe擼貓減壓，餐廳面積唔算大，但好乾淨企理，成個環境好温馨。可以選擇按小時收費或者叫dinner set，我地揀左dinner set($198/兩道菜＆飲品），就可以無限時擼貓。我地揀左南瓜甘荀湯同田園沙律各一，南瓜甘荀湯都幾濃郁creamy，沙律係麻醬沙律，蔬菜都幾新鮮。奴才叉電薄餅（全份+$50）用精美貓貓pizza盒裝住， 素pizza即叫即焗，有豐富芝士、粟米同甜蕃薯，餅底香脆、濃濃芝士味搭配香甜蕃薯，甜而不膩，好適合素食者同小朋友食。卡邦尼意粉意粉軟硬適中，但整體較為普通，味道中規中矩。青檸蜜＆玫瑰茉莉花茶食完野重點當然係同貓貓玩，呢度既貓貓全部肥嘟嘟好可愛，活蹦亂跳，完全唔怕人，佢地仲好為食，不停見到佢地食唔停。